Cistoliberin Advans 125 ml Siirop

SİSTOLİBERİN ADVANS, oral suspenziya

SİSTOLİBERİN ADVANS tərkibi

Təsiredici maddə: 125 ml (1 flakon) məhlulun tərkibində 937,5 mq adi ardıc (Juníperus commúnis L. Berry) (hydrolat), 687,5 mq tarla qatırquyruğu (Equisétum arvénse herb) (hydrolat), 4 625,00 mq adi göyrüş (Fráxinus excélsior L. leaf) (hydrolat), 8 343,75 mq adi ayıqulağının quru ekstraktı (Bearberry, Uva-ursi, dry extract), 4 500,00 mq irigiləli mərcanı meyvəsinin quru ekstraktı (Cranberry, Vaccinium macrocarpon, dry extract), 12 500,00 mq D-mannoza (D-mannose) vardır.

İstifadəsinə göstərişlər

− sidikçıxarıcı yolların sistit, uretrit və pielonefrit kimi xroniki infeksiyalarının residivlərinin qarşısını almaq məqsədi ilə; − sidikdaşı xəstəliyi olanlarda xroniki infeksiyaların kəskinləşməsinin qarşısını almaq məqsədi ilə; − sidik ifrazı zamanı göynəmə və/və ya tez -tez sidiyəgetmə kimi aşağı sidik yollarının kəskin və residivləşən iltihab əlamətlərinin azaldılması məqsədi ilə; − instrumental müayinələrdən sonra (endoskopiya, rentgen və ginekoloji müayinələr).

Əks göstərişlər

Preparatın hər hansı komponentinə qarşı yüksək həssaslıq.

Hamiləlik və laktasiya dövründə istifadəsi

Hamiləlik və laktasiya dövründə tətbiq edilmir. Uşaqlarda istifadəsi 11 yaşadək uşaqlarda tətbiq edilmir.

SİSTOLİBERİN ADVANS istifadə qaydası və dozası

Böyüklərdə və yeniyetmə yaşlarında Sistoliberin advans daxilə 10 ml gündə 2 dəfə yeməkdən 30 dəqiqə qabaq qəbul edilir. İstifadədən öncə çalxalamaq lazımdır, tövsiyə olunan dozanı suda həll etmək olar. Tövsiyə olunan sutkalıq dozanı aşmamalı! Minimal qəbul müddəti 6 gündür.

Bəzi iltihab formalarında kompleks müalicənin tərkibində daha uzun müddət qəbul edilə bilər. Profilaktik məqsədlə 10 ml gündə 1 dəfə 2-4 həftə ərzində ildə 1-2 dəfə kurs müalicəsi tövsiyə olunur. Doza həkim tərəfindən korreksiya edilə bilər. Preparatın qəbulu zamanı kifayət qədər maye içilməsi təmin olunmalıdır.