DEPLORAM-S 20MG N28 TB

Deploram-S, 20 mq örtüklü tabletlər

Deploram-S, beynəlxalq patentləşdirilməmiş adı: Escitalopram

Deploram-S tərkibi

Təsiredici maddə: 1 tabletin tərkibində 20 mq essitaloprama ekvivalent 25,55 mq essitalopram oksalat vardır.

İstifadəsinə göstərişlər

- Major depressiv epizodlar
- Aqorafobiyalı və ya aqorafobiyasız panik pozğunluqlar
- Sosial həyəcan pozğunluğu (sosial fobiya)
- Generalizəolunmuş həyəcan pozğunluğu
- Obsessiv-kompulsiv pozğunluq (OKP)

Əks göstərişlər

Dərman vasitəsinin təsiredici və ya köməkçi maddələrinə qarşı yüksək həssaslıq; monoaminooksidazanın qeyri-selektiv geridönməyən inhibitorları ilə yanaşı istifadəsi; geridönən MAO-A və qeyri-selektiv MAO-inhibitorları ilə istifadəsi; QT intervalının uzanması və bu intervalı uzadan dərmanlarla birlikdə istifadə; pimozid ilə birlikdə istifadə; uşaqlarda və yeniyetmələrdə istifadə.

Hamiləlik və laktasiya dövründə istifadəsi

Hamiləlik kateqoriyası C-dir. Heyvanlarda reproduktiv toksiklik müşahidə olunmuşdur. Ciddi zərurət olmadan istifadəsi tövsiyə edilmir. Laktasiya dövründə essitalopramın ana südünə keçməsi ehtimal edilir, buna görə, müalicə müddətində südlə qidalandırmaq məsləhət görülmür.

Pediatriyada istifadəsi

Deploram-S 18 yaşdan kiçik uşaqlarda və yeniyetmələrdə istifadə edilməməlidir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Essitalopram idraki və psixomotor fəaliyyətlərə təsir etməsə də, digər psixoaktiv dərman vasitələri kimi diqqət və hərəkət bacarığına təsir edə bilər. Pasiyentlər bu barədə məlumatlandırılmalıdır.

Deploram-S istifadə qaydası

Deploram-S gündə 1 dəfə, qida ilə və ya qidasız qəbul edilir. Maksimal doza gündə 20 mq-dır. Müalicə başlanğıcında pasiyentin fərdi cavabına görə 10 mq ilə başlanıla və zərurət olduqda artırıla bilər. Müalicə müddəti və dozanın dəyişdirilməsi yalnız həkim nəzarəti altında həyata keçirilməlidir.