Ekstravaq N7 vaginal şam

Ekstravaq, vaginal şamlar (suppozitoriyalar)

Ekstravaq tərkibi

Təsiredici maddələr: 1 suppozitoriyanın tərkibində 500 mq metronidazol, 200 mq xloramfenikol, 100 mq natamisin, 15 mq hidrokortizon asetat vardır.

Əks göstərişlər 

Preparatın komponentlərinə qarşı hiperhəssaslıq, ağır qaraciyər və böyrək çatışmazlığı, ağır hematoloji xəstəliklər, hamiləlik, ana südü ilə qidalandırma dövrü.  Effektivliyi və təhlükəsizliyi barədə məlumatların olmadığı üçün Ekstravaq 18 yaşına qədər uşaqlarda əks göstərişdir.  Mədə-bağırsaq xorası (kəskin fazada), allergik xəstəliklər, steroidli diabet, bədxassəli hipertenziya. Epilepsiya və porfiriya.

Hamiləlik və laktasiya dövründə istifadəsi 

Preparat hamiləlik zamanı əks göstərişdir.  
Metronidazol ana südünə keçir, buna görə də ana südü ilə qidalandırma dövründə preparat istifadəsi dayandırılmalıdır. Ana südü ilə qidalandırmanı preparatın dayandırılmasından sonra 48 saatdan tez olmayaraq, bərpa etmək olar.  
İnsan davranışına, avtomobil və ya mexanizmlərin idarə olunması qabiliyyətinə təsiri.  
Nəqliyyat vasitələrinin və potensial təhlükəli meanizmlərin idarə olunması qabiliyyətinə mümkün mənfi təsiri istisna olunmur, buna görə də preparatla müalicə zamanı ehtiyatlı olmaq lazımdır.

Pediatriyada istifadəsi 

Ekstravaq preparatının pediatrik təcrübədə istifadəsi əks göstərişdir. 

İstifadə qaydası və dozası 

İntravaginal. 
1 şam axşam, yatmazdan əvvəl, 7-10 gün ərzində. İl ərzində 3 kursdan artıq müalicə almaq tövsiyə olunmur.   
Şam əvvəlcədən qayçı vasitəsilə kontur qablaşdırmadan çıxarılır (şamın konturu ilə plyonkanı kəsmək), uzanmış vəziyyətdə, vaginaya dərinə yeridilir. 
Dərman vasitəsinin növbəti qəbulu ötürüldükdə   
Dərman vasitəsinin növbəti qəbulu ötürüldükdə, ikiqat doza qəbul etmək olmaz, tövsiyə olunan doza ilə müalicəni davam etdirmək lazımdır.