Elfos 3 q N2 saşe

Elfos, 3 q oral məhlul hazırlamaq üçün qranullar

Elfos tərkibi

Təsiredici maddə:   1 paketdə 3,0 q fosfomisinə ekvivalent 5,631 q fosfomisin trometamol vardır.

Əks göstərişlər 

Təsiredici maddəyə və ya preparatın tərkibində olan köməkçi maddələrdən hər hansı birinə qarşı yüksək həssaslıq.

Hamiləlik və laktasiya dövründə istifadəsi 

Hamiləlik dövrü 
Hamiləliyin ilk trimestrində fosfomisin terapiyasının təhlükəsizliyinə dair yalnız məhdud məlumatlar mövcuddur (n = 152). Bu günə qədər bu məlumatlar teratogenliyə dair heç bir təhlükəsizlik siqnalı vermir. 
Fosfomisin ciftdən keçir. Heyvanlar üzərində aparılan tədqiqatlar fosfamisinin reproduktiv funksiyaya birbaşa və ya dolayı toksiki təsirini aşkar etməmişdir. 
Fosfomisin hamiləlik dövründə yalnız zəruri hallarda istifadə edilməlidir. 
Laktasiya dövrü 
Fosfomisin az miqdarda insan südünə keçir. Laktasiya dövründə mütləq zərurət olduqda, fosfomisinin birdəfəlik oral dozası istifadə edilə bilər. 
Fertillik 
İnsanlar üzərində aparılan tədqiqatlar haqqında məlumat yoxdur. Erkək və dişi siçovullarda fosfomisinin gündə 1000 mq/kq-a qədər olan dozalarda oral qəbulu məhsuldarlığı pozmamışdır.

İstifadə qaydası və dozası 

Qadınlarda və qadın yeniyetmələrdə (12 yaşdan yuxarı) kəskin, ağırlaşmamış sistitin müalicəsi: 3 q fosfomisin gündə bir dəfə, acqarına (yeməkdən 2-3 saat əvvəl və ya 2-3 saat sonra), yatmazdan əvvəl və sidik kisəsi boşaldıqdan sonra qəbul etmək məsləhət görülür.  Doza bir stəkan suda həll edilməli və hazır olduqdan dərhal sonra qəbul edilməlidir. 
Yetkin kişilərdə prostat vəzinin transrektal biopsiyası zamanı perioperativ antibiotik profilaktikası: 
Əməliyyatdan 3 saat əvvəl 3 q fosfomisin və əməliyyatdan  24 saat sonra 3 q fosfomisin qəbul edilməlidir. 
Böyrək funksiyasının pozğunluğu  
Böyrək çatışmazlığı olan pasiyentlərdə (kreatinin klirensi <10 ml/dəq) Elfos-un istifadəsi tövsiyə edilmir. 
Pediatriyada istifadəsi 
12 yaşdan kiçik uşaqlarda fosfomisin trometamolun təhlükəsizliyi və effektivliyi müəyyən edilməmişdir.