FEZAM 400/25MG N60 CAP

FEZAM, 400 mq/25 mq daxilə qəbul üçün bərk kapsullar

FEZAM tərkibi

Təsiredici maddə: 1 kapsulda 400 mq pirasetam, 25 mq sinnarizin vardır.

İstifadəsinə göstərişlər

Fezam aşağıdakı hallarda təyin olunur:

− ateroskleroz və arterial hipertoniya zamanı inkişaf edən xronik və latent (gizli) beyin qan dövranı çatışmazlığı;

− keçirilmiş beyin insultundan sonra inkişaf edən xronik və latent (gizli) beyin qan dövranı çatışmazlığı;

− beyin silkələnməsi və beynin yüngül kontuziyası nəticəsində baş verən posttravmatik serebrosteniya ;

− müxtəlif etiologiyalı ensefalopatiya;

− yaddaşın və beynin digər dərketmə funksiyalarının pozulmasına səbəb olan psixoorqanik sindrom;

− labirintopatiyalar, Menyer sindromu (vestibulyar aparatın zədələnməsi) nəticəsində baş verən başgicəllənmə, qulaqlarda küy, ürəkbulanma, qusma, nistaqm (göz almasının qeyri-iradi hərəkətləri;

− kinetozların (hərəkət pozğunluqları) profilaktikası.

Əks göstərişlər

− preparatın tərkibində olan hər hansı komponentə qarşı yüksək həssaslıq/allergiya;

− böyrək çatışmazlığının ağır formaları (kreatinin klirensi <20 ml/dəq);

− hemorragik insult (beyin qansızması);

− Hentinqton xoreyası;

− 5 yaşadək uçaqlarda istifadəsi;

− Hamiləlik və laktasiya dövrü;

− Preparatın təyini zamanı psixomotor oyanıcılığın olması.

Hamiləlik və laktasiya dövründə istifadəsi

Hamiləlik dövründə preparatdan istifadə etmək olmaz (xüsusilə I trimestrində). Fezam ana südünə nüfuz etdiyinə görə müalicə müddətində ana südü ilə qidalandırmanı dayandırmaq lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparatın nəqliyyat vasitələrini və digər təhlükəli mexanizmləri idarəetmə qabiliyyətinə mənfi təsiri barədə heç bir məlumat yoxdur.

FEZAM istifadə qaydası və dozası

Böyüklərə Gündə 3 dəfə 1-2 kapsul daxilə qəbul edilir. Xəstəliyin ağırlığından asılı olaraq müalicə kursu 1-3 aydır. Uşaqlara Gündə 2 dəfə 1-2 kapsul daxilə qəbul edilir. 3 aydan artıq faziləsiz qəbul etmək olmaz. Preparatdan istifadə müddətində alkoqollu içkilər qəbul etmək olmaz.