Fibron 30 mq 150 ml sirop

FİBRON, pediatrik şərbət

FİBRON tərkibi

FİBRON tərkibi, 5 ml (1 ölçü qaşığı) şərbətin tərkibində 15 mq ambroksol hidroxlorid vardır.

Fibron, istifadəsinə göstərişlər

• Tənəffüs yollarının çətin ayrılan qatı sekretin əmələ gəlməsi ilə müşayiət olunan xəstəlikləri (bronxoobstruktiv sindromla müşayiət olunan kəskin və xroniki bronxit, silikoz, çətin ayrılan bəlğəm ifrazı ilə müşayiət olunan bronxial astma) • Laringit, haymorit, atrofik rinit, sinusit • Bronxoektaziya xəstəliyi

Əks göstərişlər

Bromheksinə, ambroksola və ya preparatın digər komponentlərinə qarşı yüksək həssaslıq.

Hamiləlik və laktasiya dövründə istifadəsi

Dölə təsirinə görə FDA-nın B kateqoriyasına aid edilir. Müvafiq klinik tədqiqatlar aparılmadığına görə, hamiləliyin birinci trimestrində dərmandan yalnız zərurət olduqda, fayda-risk qiymətləndirilməsi aparıldıqdan sonra istifadə edilə bilər. Ambroksolun ana südü ilə ifraz olunub-olunmadığı məlum deyil. Bu səbəbdən də laktasiya dövründə dərmandan ehtiyatla istifadə edilməlidir.

İstifadə qaydası və dozası

Uşaqlarda 0–2 yaş arası: gündə iki dəfə 1/2 ölçü qaşığı (2,5 ml). 2–5 yaş arası: gündə üç dəfə 1/2 ölçü qaşığı (2,5 ml). 5–12 yaş arası: gündə 2–3 dəfə 1 ölçü qaşığı (5 ml). Müalicənin başlanğıcında dozalar bir qədər artırıla bilər. Şərbət su və ya meyvə şirələri ilə qarışdırılaraq içilə bilər.