Finerid 5MG N30 Tb

FİNERİD

FİNERİD, Beynəlxalq patentləşdirilməmiş adı:
Finasterid

FİNERİD preparatının tərkibi

1 tabletin tərkibində 5 mq finasterid vardır. Köməkçi maddələr: laktoza monohidrat, prejelatinləşdirilmiş nişasta, natrium nişasta qlikolyatı, natrium dokusat, mikrokristallik sellüloza, povidon, maqnezium stearat, mavi opadri (OY-S-20925).

İstifadəsinə göstərişlər

• Prostat vəzinin xoşxassəli hiperplaziyasının (PVXH) müalicəsi
• Prostat vəzinin ölçüsünün kiçildilməsi
• Simptomların azaldılması və sidik axınının yaxşılaşdırılması
• Transuretral rezeksiya və prostatektomiya ehtiyacının azaldılması

Əks göstərişlər

• Təsiredici maddəyə və digər komponentlərə qarşı hiperhəssaslıq
• Prostat vəzinin xərçəngi
• Obstruktiv uropatiyalar

Xüsusi göstərişlər və ehtiyat tədbirləri

• Qaraciyər çatışmazlığı olan xəstələrdə ehtiyatla istifadə
• Yaşlı və böyrək çatışmazlığı olan xəstələrdə dozaya ehtiyac yoxdur
• Qadınlar xırdalanmış və ya bütövlüyü pozulmuş tabletlərlə təmasdan çəkinməlidir
• Finasterid toxum mayesinə keçə bilər və kişi cinsli döl üçün risk yarada bilər
• PSA səviyyəsi müalicə zamanı azalır – diaqnostik dəyərləndirmə vacibdir
• Dihidrotestosteronun səviyyəsi müalicə ilə azalır, müalicə dayandırıldıqda bərpa olunur

Hamiləlik və laktasiya dövründə istifadəsi

Kateqoriya X – istifadəsi əks göstərişdir. Reproduktiv yaşlı qadınlar üçün istifadəsi qadağandır.

Nəqliyyat vasitələrinin idarə olunmasına təsiri

Təsir etmir.

İstifadə qaydası və dozası

- Tövsiyə olunan doza: gündə 1 dəfə 5 mq
- Maksimal effekt 3 ay sonra müşahidə olunur
- Müalicə 6-12 ay davam etdirilməlidir
- Tək və ya alfa-blokatorlarla birgə istifadə oluna bilər
- Tabletin bütövlüyü effektivliyə təsir göstərmir