Ketoklin N7 Vaginal Şam

Ketoklin, vaginal şamlar

Ketoklin, beynəlxalq patentləşdirilməmiş adı: Clindamycin + Ketoconazole

Ketoklin tərkibi

Təsiredici maddələr: 1 şamın tərkibində 100 mq klindamisin (klindamisin fosfat şəklində), 400 mq ketokonazol vardır.

İstifadəsinə göstərişlər

Gardnerella vaginalis, Mobiluncus spp tərəfindən törədilən bakterial vaginoz; Bacteroides fragilis kimi digər anaerob bakteriyaların törətdiyi vaginoz və vaginal kandidozlar; digər antiprotozoylara qarşı rezistent vaginal infeksiyalar; aerob və anaerob qarışıq vaginal infeksiyaların müalicəsi.

Əks göstərişlər

Preparatın tərkibində olan hər hansı komponentə qarşı yüksək həssaslıq. Kron xəstəliyi, xoralı kolit, həmçinin antibakterial preparatların istifadəsi nəticəsində yaranmış kolitdən əziyyət çəkən xəstələrdə istifadəsi əks göstərişdir.

Hamiləlik və laktasiya dövründə istifadəsi

Hamiləliyin 1-ci trimestrində istifadəsi məsləhət görülmür, digər trimestrlərdə həkim nəzarəti ilə istifadə oluna bilər. Laktasiya dövründə istifadəyə məhdudiyyət qoyulmur – yerli istifadədə qana sorulma minimumdur və toksik təsiri yoxdur.

Pediatriyada istifadəsi

Pediatriyada istifadəsi barədə məlumat yoxdur, yalnız böyüklərdə istifadə olunur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrinin və digər diqqət tələb edən mexanizmlərin idarə olunmasına təsiri müşahidə edilməmişdir.

Ketoklin istifadə qaydası

1 şam gecə yatmazdan əvvəl, vaginal yolla tətbiq olunur. Müalicə kursu və müddəti həkim tərəfindən müəyyən olunur.