Klotrimazol 100 mq N6 vaginal tablet

Klotrimazol, 100 mq vaginal şamlar

Klotrimazol, beynəlxalq patentləşdirilməmiş adı: Clotrimazole

Klotrimazol tərkibi

Təsiredici maddə: 1 suppozitoriyanın tərkibində 100 mq klotrimazol vardır.

İstifadəsinə göstərişlər

Kandidoz vaginit.

Əks göstərişlər

Klotrimazola qarşı yüksək həssaslıq, hamiləliyin 1-ci trimestri. Laktasiya dövrü.

Hamiləlik və laktasiya dövründə istifadəsi

Hamiləliyin 1-ci trimestrində istifadəsi tövsiyə edilmir. Laktasiya dövründə istifadə zəruri olarsa, ana südü ilə qidalandırma dayandırılmalıdır.

Pediatriyada istifadəsi

16 yaşdan kiçik şəxslərdə istifadə yalnız həkim məsləhəti ilə mümkündür.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Təsir göstərmir.

Klotrimazol istifadə qaydası

Preparat intravaginal istifadə olunur. Böyüklər: 6–7 gün ərzində gündə 1 dəfə (yatmazdan əvvəl) 100 mq (1 suppozitoriya). Xarici genital orqanlara klotrimazol kreminin istifadəsi ilə birgə müalicə tövsiyə olunur. Ehtiyac olduqda müalicə kursu təkrarlana bilər. Doğuş yollarının sanasiyası üçün birdəfəlik istifadə olunur.