KOLPOZOL 400MG N3 CAP

KOLPOZOL, vaginal yumşaq jelatin kapsullar

KOLPOZOL tərkibi

Təsiredici maddə: 1 yumşaq vaqinal jelatin kapsulun tərkibində 400 mq mikonazol nitrat vardır.

İstifadəsinə göstərişlər

Preparat, yalnız yetkin yaşlı qadınlarda istifadə üçün nəzərdə tutulmuşdur. Həssas qrammüsbət bakteriyaların törətdiyi superinfeksiyalar da daxil olmaqla vulvovaginal kandida infeksiyalarının yerli müalicəsi üçün.

Əks göstərişlər

Preparatın istənilən komponentinə və digər imidazol törəmələrinə qarşı yüksək həssaslıq. Sizdə anamnezdə Kolpozol və göbələk xəstəliklərinin müalicəsində istifadə olunan digər göbələkəleyhinə vasitələrə qarşı allergik reaksiyalar vardırsa, preparatın istifadəsi əks göstərişdir. Kolpozolun istifadəsi zamanı allergik reaksiyalar infeksiya yerində səpgilər, qaşınma və s. şəklində ola bilər.

Hamiləlik və laktasiya dövründə istifadəsi

Laktasiya: vaginal azolların ana südünün tərkibinə keçib-keçməməsi məlum deyil. İnsanlarda bu istiqamətdə heç bir qeydlər sənədləşdirilməmişdir. Hamilə qadınlar: Mikonazol nitrat insanlarda az miqdarda uşaqlıq yolundan sorulduğundan, həkim onun pasiyentin sağlamlığı üçün vacib olduğu qənaətinə gəlməyincə hamiləliyin ilk trimesterində ondan istifadə olunmamalıdır. Mikonazol nitratın 14 günə yaxın müddətdə intravaginal istifadəsinə dair klinik tədqiqatlara 514 hamilə pasiyentin daxil edildiyi barədə məlumat verilmişdir.

Hesabatlara əsasən bu pasiyentlərdən Mikonazol nitrat müalicəsi alan 471 ananın körpə uşaqlarında heç bir əlavə təsir və ya ağırlaşmaların aşkar edilmədiyi məlumat verilmişdir.

KOLPOZOL istifadə qaydası və dozası

Yalnız intravaginal istifadə üçün. 3 gün müddətində yatmazdan əvvəl gündə 1 dəfə bir Kolpozol vaginal jelatin kapsul (400 mq Mikonazol nitrat) uşaqlıq yoluna (vaginaya) dərinə yeridilməlidir (hamiləlik dövrü istisna olmaqla). Ehtiyac olduqda, müalicə təkrar oluna bilər. Üç günlük müalicə hamilə, diabeti olan və ya kortikosteroid istifadə edən qadınlar üçün kifayət deyildir.

Belə vəziyyətlərdə müalicə kursunun təkrar edilməsi tövsiyə olunur. O cümlədən residiv maya göbələkləri infeksiyaları ağır yerli vaginal infeksiyalar və Kandida glabrata kimi az həssas olan patogenlərin törətdiyi infeksiyalarda 10-14 günlük müalicə tələb oluna bilər. Əgər Kolpozol vaginal yumşaq jelatin kapsulun bir dozasını istifadə etmək yaddan çıxarsa, onu uşaqlıq yoluna mümkün qədər tez yeritmək lazımdır. Əgər növbəti dozanın vaxtına az qalmışdırsa, o zaman unudulmuş dozanı istifadə etmək lazım deyil