LUSETAM 400MG N60 TB

Lusetam, 400 mq, 800 mq, 1200 mq örtüklü tabletlər

Lusetam tərkibi

Lusetam tərkibi, 1 tabletin tərkibində 400 mq, 800 mq və ya 1200 mq pirasetam vardır. Köməkçi maddələr: maqnezium stearat, povidon K-30, makroqol 6000, dibutilsebakat, titan dioksid, talk, etilsellüloza, hipromelloza.

Lusetam, istifadəsinə göstərişlər

Baş beyinin zədələnməsi və ya funksiyalarının pozulması nəticəsində inkişaf edən yaddaş pozğunluqlarının, diqqət və motivasiya çatışmazlığının müalicəsi. Beyin qan dövranı pozğunluqlarının nəticələrinin müalicəsi. Monoterapiya şəklində və ya digər dərman preparatlarına əlavə vasitə kimi, kortikal miokloniyanın müalicəsi. Hərlənmə hissinin meydana çıxması və tarazlıq hissinin pozulması ilə müşayiət olunan başgicəllənmənin müalicəsi. Alkoqol abstinent sindromunun və alkoqoldan xroniki sui-istifadə ilə əlaqəli koqnitiv pozğunluqların kompleks müalicəsinin komponenti kimi. 8 yaşdan yuxarı uşaqlarda disleksiyanın loqopedik müalicəsi ilə birlikdə müalicəsi.

Əks göstərişlər

Pirasetama, digər pirrolidon törəmələrinə və ya köməkçi maddələrə qarşı allergiya; böyrək çatışmazlığının terminal mərhələsi; hemorragik insult; Hentinqton xoreyası.

Hamiləlik və laktasiya dövründə istifadəsi

Hamiləlik dövründə klinik istifadə təcrübəsinin olmaması səbəbindən istifadəsi tövsiyə edilmir. Laktasiya dövründə preparatın aktiv maddəsi südə keçdiyi üçün istifadə edilməməli və ya südvermə dayandırılmalıdır.

Lusetam, istifadə qaydası

Doza və müalicə müddəti həkim tərəfindən pasiyentin vəziyyətinə əsasən təyin edilir.
Baş beyinin zədələnməsi: gündə 2,4–4,8 q (2-3 qəbula).
Beyin qan dövranı pozğunluğu: 4,8–6 q/gün.
Kortikal miokloniya: başlanğıc doza 7,2 q/gün, maksimal 24 q/gün.
Başgicəllənmə: 2,4–4,8 q/gün.
Alkoqol sindromu: başlanğıc 12 q/gün, dəstəkləyici 2,4 q/gün.
Disleksiya (8 yaşdan yuxarı): maksimal doza 3,2 q/gün (2 qəbula bölünərək).
Tabletlər qida ilə və ya qidasız, maye ilə qəbul edilir. Dozalar 2–4 qəbula bölünməlidir.
Qəbulu unudulduqda ikiqat doza qəbul edilməməlidir. Müalicənin dayandırılması yalnız həkim qərarı ilə aparılmalıdır.