Mastodinon N60 Tb

MASTODİNON, homeopatik tabletlər

MASTODİNON tərkibi

Təsiredici maddə: 1 tabletin tərkibində vardır: Agnus castus Ø (Lilac chaste ağacı və ya monk’s pepper ağacı) 162 mq Caulophyllum thalictroides D4 (blue cohosh) 81 mq Cyclamen D4 (Avropa cyclameni) 81 mq İgnatia D6 (Strychnos İgnatia) 81 mq İris D2(İris versicolor) 162 mq Lilium tigrinum D3 (Tiger lily) 81 mq

İstifadəsinə göstərişlər

Kompleks terapiyanın tərkibində simptomatik vasitə kimi: -premenstrual sindrom (süd vəzilərinin gərginliyi); -mastopatiya; -menstrual tsikl pozğunluqları.

Əks göstərişlər

Preparatın tərkibində olan hər hansı maddəyə qarşı hiperhəssaslıq.

Hamiləlik və laktasiya dövründə istifadəsi

Hamiləlik və laktasiya dövründə olan qadınlar preparatın istifadəsindən öncə həkimlə məsləhətləşməlidir. Hamiləlik zamanı istifadəsinə dair heç bir göstəriş yoxdur. Tədqiqatlara əsasən, tərkibində Vitex agnuscastus ekstraktı olduğuna görə preparat laktasiyaya təsir edə bilər. Ona görə də Mastodinon preparatı hamiləlik və laktasiya dövründə istifadə edilməməlidir.

Xüsusi göstərişlər və ehtiyat tədbirləri Qeyd olunmayan simptomlar yarandıqda həkiminizlə məsləhətləşin. Belə simptomlar ciddi xəstəliklərdən xəbər verə bilər. Estrogen xarakterli xərçəng xəstəliyi daşıyıcıları, hipofiz problemləri olan xəstələr preparatın istifadəsindən öncə həkimlə məsləhətləşməlidir. 12 yaşdan aşağı olan uşaqlar dərmandan istifadə etməməlidir.

Həmçinin nəzərə alınmalıdır ki, siqaret və içki kimi pis vərdişlər aludəçisi olmaq homeopatik dərmanların təsirini azalda bilər. Qalaktozaya qarşı dözümsüzlük, laktoza defisiti, qlükoza-qalaktoza malabsorbsiyası kimi nadir irsi xəstəlikləri olan pasiyentlərdə bu preparatdan istifadə etmək olmaz. Digər dərman vasitələri ilə qarşılıqlı təsiri Vitex Agnus Castusun mümkün dofaminergik və estrogen təsiri səbəbindən dopamin antaqonistləri, estrogenlər və ya antiestrogenlər ilə qarşılıqlı təsir istisna edilə bilməz.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Məlumat yoxdur.

MASTODİNON istifadə qaydası və dozası

1 tableti su ilə gündə 2 dəfə daxilə qəbul etmək lazımdır.. Menstruasiya dövrü daxil olmaqla mastodinon ən azı 3 ay qəbul edilməlidir Adətən 6 həftədən sonra irəliləyiş nəzərə çarpır. Əgər dərmandan istifadə dayandırıldıqda simptomlar yenidən başlayarsa, həkiminizlə məsləhətdən sonra müalicəni davam etdirməlisiniz. İçkilərlə birlikdə qəbulu Məlumat yoxdur.

Preparatın qəbulu unudulduqda Mastodinondan istifadə etməyi unutsanız o zaman yadınıza düşən kimi preparatı qəbul edin. Əgər preparatın qəbulu növbəti dozanın vaxtı ilə üst-üstə düşərsə o zaman yalnız bir doza qəbul edin. Unudulmuş dozanı tamamlamaq üçün 2 dozanı eyni zamanda qəbul etməyin.