Milurit 100 Mq N50 Tablet

MİLURİT®, 100 mq və ya 300 mq tabletlər

Milurit tərkibi

Təsiredici maddə: 1 tabletin tərkibində 100 mq və ya 300 mq allopurinol vardır.
Köməkçi maddələr:
• Milurit 100 mq: laktoza monohidrat, kartof nişastası, povidon K-25, talk, maqnezium stearat, natrium karboksimetilnişasta (A tipi).
• Milurit 300 mq: maqnezium stearat, susuz kolloidal silisium, jelatin, natrium karboksimetilnişasta (A tipi), mikrokristallik sellüloza.

Əks göstərişləri

Preparatın istənilən komponentinə qarşı yüksək həssaslıq.

Hamiləlik və laktasiya dövründə istifadəsi

Hamiləlik dövründə Milurit preparatının istifadəsinin təhlükəsizliyi üzrə kifayət qədər məlumat yoxdur. Hamilə qadınlarda istifadəsi yalnız daha təhlükəsiz alternativ müalicə olmadıqda mümkündür.

Milurit ana südü ilə xaric olur. Buna görə laktasiya dövründə istifadəsi məsləhət görülmür.

Milurit istifadə qaydası, dozası

Preparat daxilə qəbul edilir. Sutkada 1 dəfə, qida qəbulundan sonra su ilə birlikdə qəbul olunmalıdır. Müalicə müddətində çox miqdarda maye qəbul edilməlidir (gündə 2-3 litr).

Tövsiyə olunan başlanğıc doza: 100 mq/gün.
Dəstəkləyici doza: yüngül hallarda 100-200 mq/gün, orta hallarda 300-600 mq/gün, ağır hallarda 700-900 mq/gün.

Nəqliyyat vasitəsi ilə istifadəsi

Milurit bəzi hallarda yuxululuq və başgicəllənmə yarada bilər. Belə vəziyyətdə nəqliyyat vasitələri və mexanizmlərin idarə olunması məsləhət görülmür.