Milurit 300 Mq N30 Tablet

MİLURİT®, 100 mq və ya 300 mq tabletlər

Milurit tərkibi

Təsiredici maddə: 1 tabletin tərkibində 100 mq və ya 300 mq allopurinol vardır.
Köməkçi maddələr:
Milurit 100 mq: laktoza monohidrat, kartof nişastası, povidon K-25, talk, maqnezium stearat, natrium karboksimetilnişasta (A tipi).
Milurit 300 mq: maqnezium stearat, susuz kolloidal silisium, jelatin, natrium karboksimetilnişasta (A tipi), mikrokristallik sellüloza.

Əks göstərişlər

Preparatın istənilən komponentinə qarşı yüksək həssaslıq.

Hamiləlik və laktasiya dövründə istifadəsi

Hamiləlik dövründə Milurit® preparatının istifadəsinin təhlükəsizliyi üzrə kifayət qədər məlumat yoxdur. Milurit® preparatını hamilə qadınlarda istifadə etmək olmaz, istifadəsi yalnız daha təhlükəsiz alternativ müalicə olmadıqda və xəstəliyin özü ana və gələcək körpəyə yüksək risk törətdiyi halda mümkündür.

Milurit® ana südü ilə xaric olur. İstifadəsinin təhlükəsizliyi üzrə etibarlı məlumatlar olmadığı üçün Milurit® preparatının laktasiya dövründə istifadəsi məsləhət görülmür.

Milurit istifadə qaydası, dozası

Milurit® preparatını sutkada 1 dəfə, qida qəbulundan sonra, su ilə birlikdə daxilə qəbul etmək lazımdır. Tövsiyə olunan başlanğıc doza sutkada 100 mq təşkil edir. Qan zərdabında uratların səviyyəsi kifayət qədər dəyişmədikdə, həkim preparatın dozasını tədricən yüksəldə bilər. Orta dozalar: sutkada 100-200 mq (yüngül hallarda), 300-600 mq (orta hallarda), 700-900 mq (ağır hallarda).

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Pasiyentdə yuxululuq, başgicəllənmə və ya hərəkət koordinasiyası ilə problemlər yarana bilər. Belə hallarda nəqliyyat vasitələrini idarə etmək və ya mexanizmlərlə işləmək olmaz.