Nitroxolin 0, 5 Mq N50 Tablet

NİTROKSOLİN, 50 mq örtüklü tabletlər 

Nitroksolin tərkibi

 Təsiredici maddə:   1 tabletin tərkibində 50 mq nitroksolin vardır. Köməkçi maddələr: laktoza monohidrat, kartof nişastası, kolloid silisium dioksid, talk, kalsium  stearat, polisorbat-80 (tvin-80). Örtük:                      Təsviri şəkər (saxaroza), maqnezium hidroksikarbonat, povidon K17, kolloid  silisium dioksid, talk, titan dioksid, tropeolin O, azorubin (farmasevtik  məqsədlər üçün turş qırmızı 2C), arı mumu.

İstifadəsinə göstərişlər:

 Nitroksolinə qarşı həssas qrammənfi, qrammüsbət bakteriyalar və ya göbələklərlə törədilmiş sidik yollarının kəskin, xroniki və residivləşmiş infeksiyalarının müalicəsi. Sidik yollarının residivləşən infeksiyalarının profilaktikası, xüsusilə uşaqlarda.

Əks göstərişlər:

 Oliqo- və ya anuriya ilə müşayiət olunan böyrək funksiyalarının pozulması; ağır böyrək çatışmazlığı (KK 0,33 ml/saniyədən az), ağır dərəcəli qaraciyər xəstəlikləri; qlükoza-6fosfatdehidrogenaza fermentin çatışmazlığı; 3 yaşa qədər uşaqlar (bərk bölünməyən dərman formasını nəzərə alaraq), katarakta, nevrit, polinevrit, hamiləlik, laktasiya dövrü. Xinolin sırası preparatlarına qarşı yüksək həssaslıq.

Nitroksolin istifadə qaydası, dozası

 Preparatı daxilə qəbul etmək lazımdır. Böyüklər üçün sutkalıq doza 400-800 mq təşkil edir. Preparatı sutkada 3-4 dəfə 6-8 saatlıq intervalla qəbul etmək lazımdır. Müalicə kursunun müddəti 2-3 həftədir.  Sidik-ifrazat yollarının xroniki infeksiyalarında preparatı 2 həftəlik fasilədən sonra, 2 həftə təkrar təyin etmək olar. 5 yaşdan yuxarı uşaqlar üçün orta sutkalıq doza 0,2-0,4 q (sutkada 4 dəfə 0,05-0,1 q), 5 yaşdan aşağı uşaqlar üçün – sutkada 0,2 q təyin olunur. Böyrək çatışmazlığı (KK 0,33 ml/saniyədən yuxarı) olan pasiyentlərdə adi doza yarıya bölünür.