Otepron N30 Cap

OTEPRON, 200 mq yumşaq kapsullar

OTEPRON tərkibi

Təsiredici maddə: 1 kapsulda 200 mq progesteron vardır.

İstifadəsinə göstərişlər

Progesterone 200 mq kapsul qadınlarda Köməkçi Reproduktiv Texnologiya (ART) tsiklində luteal fazaya əlavə olaraq istifadə olunur.

Əks göstərişlər

• Preparatın tərkibindəki komponentlərdən hər hansı birinə qarşı hiperhəssaslıq, • Kəskin qaraciyər çatışmazlığı, • Naməlum etiologiyalı vaginal qanaxmalar, • Süd vəzilərinin və cinsiyyət orqanlarının bədxassəli törəmələri, • Tromboflebit, • Tromboembolik pozğunluqlar, • Serebral hemorragiya, • Porfiriya, • Natamam abortlar.

Hamiləlik və laktasiya dövründə istifadəsi

Hamiləlik Hamiləliyin erkən dövründə təbii progesteronun ana tərəfindən istifadəsi ilə fetal malformasiyalar arasında heç bir əlaqə aşkar edilməmişdir. Laktasiya Progesteron 200 mq kapsulun laktasiya dövründə istifadəsi tövsiyə olunmur. Aşkar ediləcək miqdarda progesteron ana südünə keçir. Fertililik Bu dərman preparatının subfertil və ya sonsuz qadınlarda luteal çatışmazlığı dəstəkləmək üçün göstərişi olduğuna görə, fertilliliyə heç bir zərərli təsiri məlum deyil.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Progesteron kapsulları nəqliyyat vasitələrini və digər mexanizmləri idarə etmək qabiliyyətinə cüzi təsir göstərir.

OTEPRON istifadə qaydası və dozası

Pozologiyası Tövsiyə olunan doza embrionun köçürüldüyü gündən hamiləliyin ən azı 7-ci həftəsinə qədər və hamiləliyin 12-ci həftəsindən gec olmayaraq üç bölünmüş dozada gündə 600 mq təşkil edir. Pediatriyada Pediatrik populyasiyada Progesteron 200 mq kapsulların müvafiq istifadəsi yoxdur. Yaşlılarda Yaşlılarda Progesteron 200 mq kapsulların müvafiq istifadəsi yoxdur. İstifadə qaydası Vaginal 200 mq progesteronun hər bir kapsulunu vaginaya dərindən daxil etmək lazımdır.

Doza üçün milli və yerli müalicə qaydaları nəzərə alınmalıdır. Utilizasiya Hər hansı istifadə olunmamış məhsul və ya tullantı materialı yerli tələblərə uyğun olaraq utilizasiya edilməlidir.