PROSTAZIN-DUO N30 KAPS

PROSTAZİN-DUO, kapsullar

PROSTAZİN-DUO tərkibi

Təsiredici maddə: 1 kapsulda 0,4 mq tamsulozin hidroxlorid, 0,5 mq dutasterid vardır.

İstifadəsinə göstərişlər

Prostat vəzinin xoşxassəli hiperplaziyasının müalicəsi və profilaktikası (prostatın ölçüsünü azaldır, sidikburaxmanı yaxşılaşdırır və kəskin sidik ləngiməsinin yaranma riskini və cərrahi müalicənin vacibliyini azaldır).

Əks göstərişlər

Preparatın istənilən komponentinə qarşı hiperhəssaslıq, anamnezdə ortostatik hipotenziya, ciddi qaraciyər və/və ya böyrək çatışmazlığı. 5α-reduktazanın digər inhibitorlarına, soya və yer fıstığına qarşı həssaslıq. Qadınlarda, uşaqlarda və yeniyetmələrdə istifadəsi əks göstərişdir.

Hamiləlik və laktasiya dövründə istifadəsi

Əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Naqliyyat vasitəsini idarə etmək və mexanizmlərlə işləmək qabiliyyətinə təsirini öyrənən tədqiqatlar aparılmamışdır. Başgicəllənmə kimi ortostatik hipotenziya ilə əlaqədar simptomların yaranmasının mümkünlüyü barədə pasiyentlərə məlumat vermək lazımdır. Nəqliyyat vasitəsini və potensial təhlükəli mexanizmləri idarə edərkən ehtiyatlı olmaq lazımdır.

PROSTAZİN-DUO istifadə qaydası və dozası

Çeynəmədən, kifayət miqdar su ilə, səhər yemətindən 30 dəqiqə sonra sutkada 1 dəfə 1 kapsul təyin edilir. Müalicə kursu 6 aydan az olmamalıdır.