Rigevidon 0.03/0.15 mq N63 tablet

RİGEVİDON, örtüklü tabletlər

RİGEVİDON tərkibi

RİGEVİDON tərkibi, 1 tabletin tərkibində 0,15 mq levonorgestrol, 0,03 mq etinilestradiol vardır

Rigevidon, istifadəsinə göstərişlər

KPK-lər üç mexanizm vasitəsi ilə hamiləliyin baş verməsindən qorunmanı təmin edir: - preparatın tərkibinə daxil olan hormonlar, hər ay yumurta hüceyrəsinin yumurtalıqlardan çıxmasını (ovulyasiyanı) tormozlayır; - onların təsiri, eləcə də, uşaqlıq boynu kanalının içərisini dolduran seliyin özlülüyünün artmasına əsaslanır ki, bu da spermatozoidlərin uşaqlıq boşluğuna keçməsini və onların yumurta hüceyrəsi ilə kontaktını çətinləşdirir; - bundan əlavə, uşaqlığın selikli qişasının quruluşu və funksiyası dəyişilir ki, bu da mayalanmış yumurta hüceyrəsinin uşaqlıq divarına yapışması ehtimalını aşağı salır.

Əks göstərişlər

Aşağıdakı hallarda Rigevidon preparatından istifadə etmək olmaz: hazırda və ya keçmişdə ayaq damarlarında (dərin venaların trombozu), ağciyərdə (ağciyər arteriyasının tromboemboliyası) və ya digər orqanlarda tromb olduqda; trombun əmələ gəlməsinin yüksəlməsilə müşayiət edilən xəstəliklər olduqda; əvvəl keçirilən infarkt və ya insult; auralı miqren; arteriya trombozu riskini artıra bilən xəstəliklər; qaraciyər və ya süd vəzisi xərçəngi; mədəaltı vəzi, qaraciyər xəstəlikləri, qaraciyər şişi, uşaqlıq yolundan naməlum qanaxma, hamiləlik və ya laktasiya dövrü; qalaktozaya dözümsüzlük, laktaza çatışmazlığı və ya digər komponentlərə qarşı yüksək həssaslıq.

Hamiləlik və laktasiya dövründə istifadəsi

Hamiləlik: Hamilə olduqda və ya hamiləlik ehtimalı varsa, Rigevidon istifadəsi dərhal dayandırılmalıdır. Laktasiya: Laktasiya dövründə Rigevidon istifadə edilməməlidir. Kontraseptiv tələbat olduqda həkimlə məsləhətləşmək lazımdır.

İstifadə qaydası və dozası

Preparat hər zaman həkim tövsiyələrinə uyğun qəbul edilməlidir. 21 gün ərzində hər gün 1 tablet qəbul edilir, sonra 7 gün fasilə verilir. Qanaxma 2-3-cü gündən başlayır. 8-ci gün növbəti qablaşmadan istifadə başlanır. Tabletlər hər gün eyni vaxtda qəbul olunmalıdır. Qəbul unudularsa və 12 saatdan artıq keçibsə, əlavə qorunma üsulları tətbiq edilməlidir. İstifadə qaydaları və başlanma halları haqqında daha ətraflı məlumat həkim və ya əczaçı ilə məsləhətləşilməlidir.