CEREBROLIZIN 215,2MG 2ML N10 AMP

SEREBROLİZİN®, inyeksiya üçün məhlul

Serebrolizin tərkibi 

Təsiredici maddə:1 ml məhlulun tərkibində 215,2 mq serebrolizin konsentratı (donuzun baş beyinindən alınmış peptidlər kompleksi) vardır. Serebrolizinin aktiv fraksiyası, molekul kütləsi 10 000 daltondan çox olmayan peptidlərdən ibarətdir. Köməkçi maddələr: natrium hidroksid, inyeksiya üçün su.

İstifadəsinə göstərişlər:

 - Alsheymer xəstəliyi, müxtəlif mənşəli demensiya sindromu, xroniki serebrovaskulyar çatışmazlıq, işemik insult, baş beyinin və onurğa beyinin travmatik zədələnməsi;

 - uşaqlarda əqli inkişafın ləngiməsi, hiperaktivlik və diqqət çatışmazlığı;

 - kompleks müalicənin tərkibində antidepressantların təsirinə qarşı davamlı endogen depressiya zamanı.

Əks göstərişlər:

 - preparata qarşı fərdi dözümsüzlük;

 - ağır dərəcəli böyrək çatışmazlığı;

 - epileptik status.

Hamiləlik və laktasiya dövründə istifadəsi:

 Hamiləlik və laktasiya dövründə Serebrolizini yalnız müalicənin müsbət effektini və preparatın istifadəsi ilə əlaqədar risk nisbətini dəqiq təhlil etdikdən sonra istifadə etmək olar. Eksperimental tədqiqatların nəticələri Serebrolizinin hər hansı teratogen təsirə malik olduğunu və ya dölə toksik təsir göstərdiyini ehtimal etmək üçün əsas vermir. Bununla belə, bu istiqamətdə klinik tədqiqatlar aparılmamışdır.

Serebrolizin istifadə qaydası, dozası

 Parenteral yolla istifadə edilir. Preparatın dozaları və müalicənin müddəti xəstəliyin xüsusiyyətlərindən və ağırlıq dərəcəsindən, həmçinin pasiyentin yaşından asılıdır. 50 ml-ə qədər birdəfəlik dozaların təyin edilməsi mümkündür, lakin müalicə kursunun aparılmasına daha çox üstünlük verilir. Tövsiyə olunan optimal müalicə kursu 10-20 gün müddətində preparatı gündəlik inyeksiyalar şəklində yeridilməsidir. Kəskin vəziyyətlər (işemik insult, kəllə-beyin travması, neyrocərrahiyə əməliyyatlarının ağırlaşmaları) 10 ml-dən 50 ml-ə qədər Beyin insultunun və baş beyinin və onurğa beyninin travmatik zədələnməsinin rezidual mərhələsində 5 ml-dən 50 ml-ə qədər Psixoüzvi sindrom və depressiya zamanı 5 ml-dən 30 ml-ə qədər Alsheymer xəstəliyi, damar mənşəli demensiya və qarışıq alsheymerdamar mənşəli demensiya zamanı 5 ml-dən 30 ml-ə qədər Neyropediatrik təcrübədə bədən kütləsinin hər kq-na 0,1-0,2 ml Müalicənin effektivliyinin yüksəldilməsi məqsədi ilə, müalicə nəticəsində pasiyentin vəziyyəti yaxşılaşması müşahidə olunana qədər, təkrar kurslar keçirilə bilər. Birinci kurs sona çatdıqdan sonra, preparatın istifadə tezliyini həftədə 2 və ya 3 dəfəyə qədər azaltmaq olar. Serebrolizin inyeksiya şəklində istifadə edilir: əzələ daxilinə (5 ml-ə qədər) və vena daxilinə (10 ml-ə qədər). 10 ml-dən 50 ml-ə qədər dozaları yalnız preparatı infuziya üçün təqdim olunan standart məhlullarda həll etdikdən sonra, aramlı venadaxili infuziyalar vasitəsi ilə yeritmək tövsiyə edilir. İnfuziyanın davametmə müddəti 15 dəqiqədən 60 dəqiqəyə qədər ola bilər.