Urfosin 300 mq N1 paket

URFOSİN™, peroral məhlul hazırlamaq üçün qranullar

Urfosin tərkibi 

Təsiredici maddə:1 paketdə (8 q) 3 q fosfomisin (5,631 q fosfomisin trometamol şəklində) vardır. Köməkçi maddələr: portağal və naringi aromatizatorları, saxarin, saxaroza (kristallik şəkər).

İstifadəsinə göstərişlər:

Aşağı sidikçıxarıcı yolların fosfomisinə həssas patogenlər tərəfindən törədilən fəsadlaşmamış infeksiyalarının müalicəsi. Diaqnostik müayinə və cərrahi əməliyyat zamanı aşağı sidikçıxarıcı yolların infeksiyalarının profilaktikası.

Əks göstərişlər:

 Fosfomisinə, eləcə də, preparatın tərkibindəki hər hansı inqrediyentə qarşı yüksək həssaslıq. Ağır böyrək çatışmazlığı (kreatinin klirensi 10 ml/dəq-dən aşağı), hemodializ. Fruktozaya qarşı irsi dözümsüzlüyü, qlükoza-qalaktoza malabsorbsiyası, saxaraza-izomaltaza çatışmazlığı kimi irsi xəstəliklər.

Hamiləlik və laktasiya dövründə istifadəsi:

 Fosfomisinin hamiləlik zamanı istifadəsinə dair kifayət qədər məlumat yoxdur. Heyvanlar üzərində aparılan tədqiqatlar zamanı teratogenlik qeyd olunmamışdır. Ehtiyac olduqda hamiləlik zamanı preparatın istifadəsi müzakirəyə qoyulmalıdır. Hamiləlik zamanı preparat ehtiyatla təyin edilməlidir. Laktasiya dövründə preparatın birdəfəlik dozada istifadəsi mümkündür.

Urfosin istifadə qaydası, dozası

 Aşağı sidikçıxarıcı yolların fəsadlaşmamış infeksiyalarında tövsiyə edilən tək doza 3 q təşkil edir. Transuretral cərrahi və ya diaqnostik əməliyyatlar zamanı tövsiyə edilən profilaktik doza böyüklər üçün 2 paket (2 dəfə 3 q) təşkil edir. İlk doza cərrahi əməliyyatdan 3 saat əvvəl, ikinci doza əməliyyatdan 24 saat sonra qəbul edilir. Urfosin™-in bir paketinin möhtəviyyatı bir stəkan suda həll edilir və həll edildikdən sonra qəbul edilir. Urfosin™ acqarına və ya qida qəbulundan 2-3 saat sonra qəbul edilməlidir. Gecə yatmazdan əvvəl və sidik kisəsi boşaldıqdan sonra qəbulu tövsiyə edilir. Xüsusi qrup xəstələrə dair əlavə məlumat Böyrək çatışmazlığı olan xəstələr Ağır dərəcəli böyrək çatışmazlığı zamanı (kreatinin klirens 10 ml/dəq-dən az) preparat istifadə edilməməlidir. Qaraciyər çatışmazlığı olan xəstələr Qaraciyər çatışmazlığı zamanı doza korreksiyasına dair məlumat mövcud deyil. Pediatrik xəstələr Fosfomisinin effektivliyinə və təhlükəsizliyinə dair adekvat və nəzarət olunan klinik tədqiqatlar mövcud olmadığından 12 yaşdan kiçik olan uşaqlarda preparatın istifadəsi tövsiyə edilmir. Yaşlı xəstələr Yaşlı xəstələrdə istifadə qaydası və dozası böyüklərdəki kimidir.