UROSOLFIN 5MG N30 TB

UROSOLFİN, 5 mq, 10 mq örtüklü tabletlər

UROSOLFİN tərkibi

Təsiredici maddə: 1 tabletin tərkibində 5 mq və ya 10 mq solifenasin suksinat vardır.

İstifadəsinə göstərişlər

Hiperaktiv sidik kisəsi sindromlu xəstələr üçün xarakterik olan urgent (imperativ) sidik saxlamama, tezləşmiş sidik ifrazı və sidik ifrazına urgent (imperativ) çağırışların müalicəsi.

Əks göstərişlər

• Sidik ifrazının ləngiməsi; • ağır mədə-bağırsaq xəstəliyi (o cümlədən toksik meqakolon); • miasteniya gravis; • bağlıbucaqlı qlaukoma; • preparatın komponentlərinə qarşı yüksək həssaslıq; • hemodializin aparılması; • ağır qaraciyər çatışmazlığı; • CYP3A4 izofermentinin güclü inhibitorları ilə, məsələn, ketokonazolla eyni vaxtda aparılan müalicə zamanı ağır böyrək çatışmazlığı və ya orta dərəcəli qaraciyər çatışmazlığı; • uşaqlar (effektivliyə və təhlükəsizliyə aid məlumatların olmaması); • nadir irsi pozğunluqlar olan qalaktozaya qarşı dözümsüzlük, laktaza çatışmazlığı, qlükoza-qalaktoza malabsorbsiya sindromu zamanı preparatı qəbul etmək olmaz.

Hamiləlik və laktasiya dövründə istifadəsi

Solifenasin qəbul edən dövrdə hamilə qalmış qadınlar haqqında klinik məlumatlar yoxdur. Heyvanlar üzərində aparılan tədqiqatlar zamanı fertilliyə, embrionun dölün inkişafına və ya doğuşa birbaşa əlverişsiz təsir aşkar edilməmişdir. Bu preparatı hamilə qadınlara təyin edərkən, ehtiyatlı olmaq lazımdır. Solifenasinin insanda südlə ekskresiyası haqqında məlumat yoxdur.

Laktasiya dövründə Urosolfin preparatının istifadəsi tövsiyə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Solifenasin, digər m-xolinoblokatorlar kimi, görmənin qeyri-aydınlığına, həmçinin (nadir hallarda) yuxululuğa və yorğunluğa səbəb ola bilər ki, bu da avtomobildən idarəetmə və mexanizmlərlə işləmə qabiliyyətinə mənfi təsir göstərə bilər. Nəqliyyat vasitələrini idarə edərkən və yüksək diqqət və sürətli psixomotor reaksiya tələb olunan digər potensial təhlükəli fəaliyyət növləri ilə məşğul olarkən ehtiyat tədbirlərinə əməl etmək lazımdır.

UROSOLFİN istifadə qaydası və dozası

Böyüklər (>I8 yaş), o cümlədən yaşlı xəstələr Gündə bir dəfə daxilə 5 mq, su ilə qida qəbulundan asılı olmayaraq, qəbul edilir. Ehtiyac olduqda doza gündə bir dəfə 10 mq-a qədər artırıla biiər.