Yenlip 100 Mq N7 Vaginal Şam

YENLIP, vaginal suppozitoriyalar

Yenlip, beynəlxalq patentləşdirilməmiş adı: Clindamycin.

YENLIP tərkibi

Təsiredici maddə: 1 şamın tərkibində 100 mq klindamisin (klindamisin fosfat şəklində) vardır.

YENLIP, istifadəsinə göstərişlər

Preparata qarşı həssas mikroorqanizmlərin törətdiyi vaginal infeksiyalar.

Əks göstərişlər

Klindamisinə (eləcə də linkomisinə) və suppozitoriyanın digər komponentlərinə qarşı yüksək həssaslıq.
Anamnezdə antibiotiklərin istifadəsi ilə əlaqədar yarana bilən kolit.

Hamiləlik və laktasiya dövründə istifadəsi

Hamiləliyin II və III trimestrində çox vacib olduqda istifadə edilə bilər. I trimestrdə istifadəsi tövsiyə olunmur.
Laktasiya dövründə isə ehtiyatla, yalnız həkim məsləhəti ilə istifadə edilməlidir.

YENLIP, istifadə qaydası

Preparat intravaginal istifadə olunur. 3–7 gün ərzində gündə 1 dəfə, yuxudan əvvəl 1 suppozitoriya uşaqlıq yoluna yeridilir.

Əlavə təsirləri

Sidik-cinsiyyət sistemi: servisit, vaginit, göbələk infeksiyası, menstruasiya pozğunluqları;
Qanyaradıcı sistem: nadir hallarda leykopeniya, neytropeniya, eozinofiliya, aqranulositoz, trombositopeniya;
Allergik reaksiyalar: səpgilər, övrə, qaşınma;
Digər: baş ağrısı, qarın ağrısı, diareya, ürəkbulanma, dispepsiya, bel ağrısı, sidik yolu infeksiyası, psevdomembranoz kolit, hipertiroidizm və s.