Albureks(Albumin) 200% 50 ml məhlul

ALBUREKS 20, 200 q/l vena daxili istifadə üçün infuziya məhlulu

Albureks 20, beynəlxalq patentləşdirilməmiş adı: Human albumin.

ALBUREKS 20 tərkibi

Təsiredici maddə: 1 litr məhlulda 200 q insan plazma zülalı, bunun ən azı 96%-i insan albuminidir. Hər ml-də təxminən 3,2 mq natrium (140 mmol/l) vardır.

ALBUREKS 20, istifadəsinə göstərişlər

Dövr edən qanın həcminin çatışmazlığı hallarında və kolloid məhlulların istifadəsi göstəriş olduqda dövr edən qanın həcminin bərpası və qorunub saxlanması.

Əks göstərişlər

Albumin preparatlarına və ya köməkçi maddələrə qarşı yüksək həssaslıq.

Hamiləlik və laktasiya dövründə istifadəsi

Hamiləlik zamanı Albureks 20-nin istifadəsinin döl və ya yenidoğulmuşa zərərli təsiri sübut olunmayıb. Buna baxmayaraq, fayda/risk nisbətinə əsasən istifadə olunmalıdır.

ALBUREKS 20, istifadə qaydası

Vena daxilinə yeridilir. Konsentrasiyası, dozalanma rejimi və infuziya sürəti pasiyentin vəziyyətindən asılı olaraq fərdi seçilməlidir. İnfuzion sürət adətən 1–2 ml/dəq-dən artıq olmamalıdır. Məhlul istifadəyə hazırdır və 5%-li qlükoza və ya 0,9%-li natrium xloridlə durulaşdırıla bilər. İnyeksiya üçün su ilə durulaşdırmaq olmaz.

Əlavə təsirləri

Nadir: istilikbasma, övrə, qızdırma, ürəkbulanma. Çox nadir: anafilaktik şok. Doza və ya sürət həddindən artıq olduqda hipervolemiya və onun nəticələri yarana bilər.