Allerdes 2, 5 Mq 150 ml Sirop

Allerdes, 2.5 mq/5 ml şərbət

Allerdes, beynəlxalq patentləşdirilməmiş adı: Desloratadine

Allerdes tərkibi

Təsiredici maddə: 5 ml (1 şkala) şərbətin tərkibində 2,5 mq dezloratadin vardır.

İstifadəsinə göstərişlər

Allerdes allergik rinitlə bağlı asqırma, burun axması və qaşınma, burun tutulması, eyni zamanda gözlərin qaşınması, ödemi və qızarması, damağın qaşınması və öskürək kimi simptomları yüngülləşdirmək üçün istifadə olunur. Həmçinin övrə zamanı müşahidə olunan səpgi, suluq və qızartı kimi simptomların aradan qaldırılması üçün də istifadə edilir.

Əks göstərişlər

Dezloratadinə, loratadinə və ya köməkçi maddələrdən hər hansı birinə qarşı yüksək həssaslıq.

Hamiləlik və laktasiya dövründə istifadəsi

Əgər zərurət olmazsa, Allerdes hamiləlik dövründə istifadə olunmamalıdır. Dezloratadin ana südünə keçdiyi üçün preparat laktasiya dövründə istifadə olunmamalıdır.

Pediatriyada istifadəsi

6 aydan yuxarı uşaqlarda istifadə olunur. 6-11 aylıq: 2 ml; 1-5 yaş: 2,5 ml; 6-11 yaş: 5 ml; 12 yaş və yuxarı: 10 ml gündəlik doza. Qida ilə və ya ayrı şəkildə qəbul edilə bilər.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Allerdes adətən yuxululuğa səbəb olmur, lakin bəzi pasiyentlərdə yuxusuzluq müşahidə oluna bilər. Bu səbəbdən fərdi reaksiyadan asılı olaraq ehtiyatla yanaşılmalıdır.

Allerdes istifadə qaydası

6–11 aylıq: 2 ml
1–5 yaş: 2,5 ml (1/2 şkala)
6–11 yaş: 5 ml (1 şkala)
12 yaş və yuxarı: 10 ml (2 şkala)
Preparat gündə bir dəfə qəbul edilir. Fasiləli allergik rinitdə simptomlar azaldıqda müalicə dayandırılır; davamlı hallarda fasiləsiz istifadə tövsiyə olunur.