Altabs 5 mq N20 tablet

ALTABS örtüklü tabletlər

Altabs tərkibi

Təsiredici maddələr: 1 tabletin tərkibində 5 mq levosetirizin dihidroxlorid vardır.
Köməkçi maddələr: laktoza monohidrat, mikrokristallik sellüloza, titan dioksid, povidon K 25, susuz kolloidal silisium dioksid, natrium kroskarmelloza, maqnezium stearat, hidroksipropilmetilselluloza (HPMC), makroqol (PEG 6000), titan dioksid (E171), talk.

İstifadəsinə göstərişlər

İl boyu davam edən (persistəedici) və mövsümi (intermittəedici) allergik rinit, allergik konyunktivit zamanı simptomların (qaşınma, asqırma, rinoreya, göz yaşının axması, konyunktival hiperemiya) müalicəsi;
Pollinoz (ot qızdırması);
Övrə, həmçinin xroniki idiopatik övrə, Kvinke ödemi;
Qaşınma və səpgilərlə müşayiət olunan digər allergik dermatozlar.

Əks göstərişlər

Preparatın hər hansı komponentinə qarşı və ya piperazin törəmələrinə qarşı hiperhəssaslıq;
Böyrək çatışmazlığının terminal mərhələsi (KK <10 ml/dəq);
2 yaşa qədər uşaqlar;
Hamiləlik və laktasiya dövrü.

Hamiləlik və laktasiya dövründə istifadəsi

Preparatın təhlükəsizliyi və effektivliyi haqqında məlumat olmadığı üçün hamiləlik və laktasiya dövründə istifadəsi tövsiyə edilmir.

Altabs istifadə qaydası, dozası

Preparat qida ilə və ya qida qəbulundan əvvəl daxilə az miqdarda su ilə, çeynənilmədən qəbul edilir.
6 yaşdan yuxarı uşaqlar və böyüklər: sutkalıq doza 5 mq.
2-6 yaşlı uşaqlar: gündə 2 dəfə 1,25 mq, sutkalıq doza 2,5 mq.
Böyrək çatışmazlığı və yaşlı pasiyentlərdə doza fərdi qaydada korreksiya olunmalıdır.