Alloxol N10 tablet

Alloxol, örtüklü tabletlər

Alloxol tərkibi

Alloxol tərkibi, 1 tabletin tərkibində 80 mq iribuynuzlu heyvanın quru ödü, 40 mq quru sarımsaq, 25 mq aktivləşdirilmiş kömür, 5 mq gicitkan yarpağı vardır. Köməkçi maddələr: maqnezium oksid, kartof nişastası, talk, kolloid silisium dioksid (aerosil), kalsium stearat. Örtük: saxaroza (şəkər), maqnezium hidroksikarbonat (əsasi maqnezium karbonat), kolloid silisium dioksid (aerosil), titan dioksid, povidon (polivinilpirrolidon), talk, rəngləyici tropeolin O, arı mumu.

Alloxol, istifadəsinə göstərişlər

Xroniki reaktiv hepatitin, xolangitin, daşsız (qeyri-kalkulyoz) xolesistitin, ödçıxarıcı yolların hipokinetik tipli diskineziyasının, atonik qəbizliyin, postxolesistektomik sindromun kompleks müalicəsinin tərkibində.

Əks göstərişlər

Hiperhəssaslıq, kalkulyoz xolesistit, obturasion sarılıq, kəskin hepatit, kəskin və yarımkəskin qaraciyət distrofiyası, mədə və onikibarmaq bağırsaq xora xəstəliyi (kəskinləşmə mərhələsində), kəskin enterokolit, kəskin pankreatit, 12 yaşa qədər uşaqlar, saxaroza/izomaltaza çatışmazlığı, fruktozaya qarşı dözümsüzlük, qlükoza-qalaktoza malabsorbsiyası (tərkibində saxaroza olduğu üçün).

Hamiləlik və laktasiya dövründə istifadəsi

Hamiləlik və laktasiya dövründə preparatı, həkim təyinatı əsasında, preparatın ana üçün faydası döl və ya uşaq üçün riskdən üstün olduğu hallarda istifadə etmək olar.

Alloxol, istifadə qaydası

Daxilə, 3-4 həftə müddətində, yeməkdən sonra sutkada 3-4 dəfə 1-2 tablet. 12 yaşdan yuxarı uşaqlara – 3-4 həftə müddətində, gündə 3 dəfə (yeməkdən sonra) 1 tablet. 3 aylıq intervalla təkrar müalicə kursunu həyata keçirmək olar.