Almagel 170 ml sirop

ALMAGEL,suspenziya

ALMAGEL tərkibi

ALMAGEL tərkibi, 5 ml suspenziyanın tərkibində 2,18 q alüminium hidroksid geli (218 mq alüminium oksidə müvafiq) və 350 mq maqnezium hidroksid pastası (75 mq maqnezium oksidə müvafiq) vardır

Almagel,istifadəsinə göstərişlər

Mədə turşuluğunun artması ilə müşayiət olunan qida borusu, mədə və onikibarmaq bağırsaq xəstəliklərinin simptomatik müalicəsi; ezofaqit, hiatus yırtığı; qastroezofaqeal reflüks xəstəliyi; kəskin və xroniki qastrit və qastroenterit; mədə və onikibarmaq bağırsağın xora xəstəliyi; postrezeksion qastrit və qastroanastomozit; mədə və onikibarmaq bağırsaq patologiyasının profilaktikası (qıcıqlandırıcı dərmanların təsirini azaltmaq üçün).

Əks göstərişlər

Preparatın komponentlərinə qarşı yüksək həssaslıq; ağır böyrək çatışmazlığı – hipermaqneziemiya və alüminium intoksikasiyası riski.

Hamiləlik və laktasiya dövründə istifadəsi

Hamiləlik dövründə yalnız preparatın ana üçün faydası döl üçün riskdən yüksək olduqda və 5-6 gündən artıq olmamaq şərtilə istifadə edilir. Hamiləlik toksikozunda istifadə olunmur. Laktasiya dövründə, eyni prinsipə əsasən, 5-6 gündən artıq olmamaqla istifadə edilə bilər.

İstifadə qaydası və dozası

Böyüklər və 14 yaşdan yuxarı uşaqlar: gündə 3-4 dəfə 5–10 ml (1–2 ölçü qaşığı və ya 1 paket). Zərurət olduqda 15 ml-ə qədər artırıla bilər. Effekt əldə edildikdən sonra doza 5 ml və ya 1 paketə qədər azaldılır. Müalicə kursu 2–3 ay. 10–14 yaş: böyüklər dozasının yarısı. Profilaktika üçün qıcıqlandırıcı dərmanlardan 15 dəqiqə əvvəl 5–15 ml (1–3 ölçü qaşığı). İstifadədən əvvəl flakonu çalxalamaq, qəbuldan sonra 15 dəqiqə ərzində maye içməmək tövsiyə olunur.