Bromqeksin 4 mq 60 ml sirop

BROMHEKSİN 4 Berlin-Hemi, 4 mq/5 ml məhlul

BROMHEKSİN 4 Berlin-Hemi tərkibi

BROMHEKSİN 4 Berlin-Hemi tərkibi, 5 ml (1 ölçü qaşığı) məhlulun tərkibində 4 mq bromheksin hidroxlorid vardır.

Bromheksin 4 Berlin-Hemi, istifadəsinə göstərişlər

Bromheksin 4 Berlin-Hemi bəlğəmgətirici dərman preparatıdır. Qatı bəlğəmin əmələ gəlməsi ilə müşayiət olunan tənəffüs yolları xəstəliklərində bəlğəmin durulaşmasına səbəb olur. Bronx və ağciyərlərin kəskin və xroniki xəstəliklərində istifadə olunur.

Əks göstərişlər

Bromheksin hidroxloridə və/və ya preparatın tərkibində olan hər hansı komponentə qarşı yüksək həssaslıq.

Hamiləlik və laktasiya dövründə istifadəsi

Müalicəyə başlamazdan əvvəl hamiləlik, laktasiya, ehtimal edilən hamiləlik və ya hamiləliyin planlaşdırılması barədə həkimi və ya əczaçını məlumatlandırmaq lazımdır. Preparatın hamiləlik dövründə istifadəsi barədə kifayət qədər məlumat yoxdur. Bu səbəbdən, yalnız fayda-risk nisbəti qiymətləndikdən sonra təyin oluna bilər. Hamiləliyin ilk trimestrində istifadəsi tövsiyə edilmir. Bromheksin ana südünə nüfuz edir. Yenidoğulmuş körpələrə təsiri öyrənilmədiyi üçün laktasiya dövründə istifadə etmək olmaz.

İstifadə qaydası və dozası

Preparat həkim və ya əczaçının təyinatına uyğun istifadə olunmalıdır. Hər hansı sual yarandıqda mütləq həkim və ya əczaçıya müraciət edilməlidir.