Bitib
Stokda olanda mənə xəbər verin.Təsiredici maddə: 5 ml şərbətin tərkibində 30 mq ambroksol hidroxlorid vardır.
BRONXOVENT aşağıdakı xəstəliklərdə bəlğəmin qatılığını azaltmaq üçün istifadə edilir: əsas simptomları həddindən artıq qatı selik və bəlğəm olan tənəffüs yollarının kəskin və xroniki xəstəlikləri, məsələn, bronxial astma, bronxit, bronxoektaziya. Preparat həmçinin burun və boğazın iltihabı zamanı seliyin qatılığının azalmasına səbəb olur. BRONXOVENT quru öskürəyi yüngülləşdirmir.
• Preparatın komponentlərindən hər hansı birinə qarşı yüksək həssaslıq; • 2 yaşa qədər uşaqlarda istifadəsi, yalnız həkim məsləhətilə mümkündür.
Hamiləlik, laktasiya dövründə, hamiləliyin ehtimal olunması və ya hamiləliyin planlaşdırılması zamanı preparatdan istifadə etməzdən əvvəl bu barədə həkimə məlumat vermək lazımdır. Ambroksal dölün orqanizminə nüfuz edir. Hamiləlik dövründə preparatın istifadəsi məsləhət görülmür (xüsusilə hamiləliyin ilk üç ayında). Eksperimentlər göstərib ki, ambroksol ana südünə keçir, bu səbəbdən preparatı laktasiya dövründə qəbul etmək məsləhət görülmür.
Hamiləlik və laktasiya dövründə istənilən preparatın qəbulundan əvvəl həkimə və ya əczaçıya müraciət etmək lazımdır.
Preparatın nəqliyyat vasitələrini və digər potensial təhlükəli mexanizmləri idarəetmə qabiliyyətinə mənfi təsiri barədə məlumat yoxdur.
İstifadə qaydası Preparatı təlimata uyğun və ya həkim təyinatına əsasən qəbul etmək lazımdır. Preparatın istifadəsi qida qəbulundan asılı deyil. Şərbəti yeməkdən sonra və bir qədər su ilə qəbul etmək məsləhət görülür. Ambroksolla müalicə zamanı çoxlu maye qəbulu bəlğəmin parçalanmasına səbəb olur.
Məsləhət görülən dozalar Böyüklər Müalicənin ilk 2-3 günü ərzində gündə 3 dəfə 5 ml, sonra isə gündə 2 dəfə 5 ml qəbul edilir. Uşaqlar 0-2 yaş arası uşaqlar: gündə 2 dəfə 1, 25 ml. 2-5 yaş arası uşaqlar: gündə 3 dəfə 1, 25 ml. 6-12 yaş arası uşaqlar: gündə 2-3 dəfə 2, 5 ml.
Müalicənin əvvəlində dozalar bir qədər artırıla bilər. BRONXOVENT ilə müalicə müddəti həkiminiz tərəfindən təyin olunur. Həkimlə məsləhətləşmədən preparatı 4-5 gündən artıq istifadə etmək olmaz. Xüsusi qrup xəstələr Böyrək / Qaraciyər çatışmazlığı Böyrək və ya ağır qaraciyər çatışmazlığı olan xəstələrdə ambroksol siropu ehtiyatla istifadə olunmalıdır.
Preparatın qəbulu unudularsa Preparatın bir dozası ötürülərsə, onu imkan daxilində tez qəbul etmək lazımdır. Əgər növbəti dozanın vaxtı çatıbsa, ötürülən dozanı qəbul etmək olmaz. Unudulmuş dozanın əvəzinə ikiqat doza qəbul etmək olmaz, belə ki, bu, doza həddinin aşılması riskini artırır. Preparatın qəbulu dayandırılarsa Əgər BRONXOVENT in qəbulu nəzərdə tutulmuş vaxtdan əvvəl dayandırılarsa, bu arzuolunmaz halların yaranması ilə müşayiət olunmur.
Lakin, bu zaman xəstəliyin simptomlarının bərpa olunması və ya tənəffüs sistemində pozulmaların yaranması mümkündür. Preparatın qəbulu ilə bağlı hər hansı sual yaranarsa, həkimə və ya əczaçıya müraciət etmək lazımdır. Preparatın keyfiyyətinin pozulmasını göstərən əlamətlər müşahidə edilərsə (məsələn rəngi dəyişərsə), onu qəbul etmək olmaz.
AZ − AZN
