Brovensin 100 ml Sirop

Brovensin, şərbət

Brovensin tərkibi

Brovensin tərkibi, 1 ml şərbətin tərkibində 0,8 mq bromheksin hidroxlorid, 0,25 mq terbutalin sulfat, 10,0 mq qvayfenezin vardır. Köməkçi maddələr: benzoy turşusu, limon turşusu monohidrat, qliserin, kalium sorbat, propilenqlikol, ponso 4R, makroqol, natrium saxarin, kristallaşmayan sorbitol məhlulu, “Moruq” aromatizatoru, levomentol, təmizlənmiş su.

Brovensin, istifadəsinə göstərişlər

Bəlğəmin xaric olması ilə əlaqədar və/və ya bronxospazm ilə müşayiət olunan öskürəyin simptomatik müalicəsi; bronxial astma və ağciyərlərin xroniki obstruktiv xəstəlikləri.

Əks göstərişlər

Preparatın istənilən komponentinə qarşı yüksək həssaslıq; mədənin və onikibarmaq bağırsağın peptik xorası; laktasiya dövrü; 2 yaşa qədər uşaqlar.

Hamiləlik və laktasiya dövründə istifadəsi

Hamiləlik dövründə Brovensin preparatının istifadəsi, yalnız o zaman mümkündür ki, ana üçün gözlənilən fayda dölə olan potensial riskdən üstün olsun. Laktasiya dövründə Brovensinin istifadəsi əks göstərişdir.

Brovensin, istifadə qaydası

Brovensin yeməkdən 30 dəqiqə sonra daxilə qəbul edilir. Preparatı su və ya meyvə şirəsi ilə durulaşdırmaq olar. Dozalamaq üçün qablaşdırmada olan ölçülü stəkandan istifadə edilir. Brovensin aşağıdakı qaydada təyin edilir: Böyüklər və 12 yaşdan yuxarı uşaqlar: gündə 3 dəfə 10 ml şərbət. 6-12 yaşlı uşaqlar: gündə 3 dəfə 5 ml şərbət. 2-6 yaşlı uşaqlar: gündə 2-3 dəfə 2,5 ml şərbət. Müalicənin müddəti həkim tərəfindən təyin edilir.