Duvaleks 10/160 mq N28 tablet

DUVALEKS, 10 mq/160 mq örtüklü tabletlər

Duvaleks, beynəlxalq patentləşdirilməmiş adı: Amlodipine + Valsartan.

DUVALEKS tərkibi

Təsiredici maddələr: 1 tabletin tərkibində 10 mq amlodipin (13,87 mq amlodipin bezilat şəklində), 160 mq valsartan vardır.

DUVALEKS, istifadəsinə göstərişlər

Böyüklərdə davamlı yüksək qan təzyiqinin (hipertoniya) müalicəsi – bu vəziyyət iflic, ürək və böyrək çatışmazlığı kimi xəstəliklərə səbəb ola bilər.

Əks göstərişlər

Preparatın tərkibindəki maddələrə qarşı hiperhəssaslıq, kəskin qaraciyər və böyrək çatışmazlığı, güclü hipotenziya, şok (o cümlədən kardiogen şok), aortal stenoz, sol mədəcik disfunksiyası, angioödem, hamiləlik, laktasiya, II tip şəkərli diabet və ya böyrək çatışmazlığı olan xəstələrdə aliskirenlə eyni vaxtda istifadə.

Hamiləlik və laktasiya dövründə istifadəsi

Döl üçün təhlükə səbəbilə hamiləlik zamanı istifadəsi qadağandır. Laktasiya dövründə də istifadə tövsiyə olunmur.

DUVALEKS, istifadə qaydası

Gündə 1 dəfə, tercihen səhər və eyni vaxtda qəbul olunur. Doza fərdi olaraq təyin edilir. Tabletlər az miqdarda su ilə, qida ilə və ya qidasız qəbul oluna bilər.

Əlavə təsirləri

Tez-tez: başgicəllənmə, baş ağrısı, ürəkbulanma, süstlük, bayılma, sifət və boyun nahiyəsinin qızarması, boğaz ağrısı, zökəm, əllərdə və ayaqlarda şişkinlik, qusma, yorğunluq.
Bəzən: ağız quruluğu, öskürək, artmış ürək döyünmələri, əzələ və bel ağrısı, dəri səpgiləri, iştahasızlıq, bağırsaq pozğunluğu, kişilərdə erektil disfunksiya, qanda şəkər səviyyəsinin artması.
Nadir: angioödem, qulaqlarda küy, artmış tərləmə, ürək ritminin dəyişməsi, sinə ağrıları, təlaş.
Çox nadir: sarılıq, qaraciyər pozğunluqları, periferik neyropatiya, dərialtı qanamalar, trombositopeniya, bradikardiya.