Emoksigan 100 ml Sistem

Emoksiqan, 5 mq/ml infuziya üçün məhlul

Emoksiqan, beynəlxalq patentləşdirilməmiş adı: Methylethylpiridinol

Emoksiqan tərkibi

Təsiredici maddə: 1 ml məhlulun tərkibində 5 mq metiletilpiridinol hidroxlorid vardır.

İstifadəsinə göstərişlər

Nevrologiya və neyrocərrahiyyədə: hemorragik insultdan sonrakı bərpa dövrü, işemik insult, beyin qan dövranının keçici pozğunluqları, xroniki çatışmazlıq, baş beyin zədələnməsi ilə müşayiət olunan travmalar və əməliyyatsonrası dövr.
Kardiologiyada: kəskin miokard infarktı, reperfuziya sindromunun profilaktikası, qeyri-stabil stenokardiya.

Əks göstərişlər

Preparata qarşı fərdi dözümsüzlük, hamiləlik və laktasiya dövrü, 18 yaşa qədər uşaqlar.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi əks göstərişdir.

Pediatriyada istifadəsi

18 yaşa qədər uşaqlarda istifadə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və digər potensial təhlükəli mexanizmləri idarə etməkdən çəkinmək lazımdır. Yuxululuq və psixomotor reaksiyaların azalması mümkündür.

Emoksiqan istifadə qaydası

Nevrologiya və neyrocərrahiyyədə: 10 mq/kq (2 ml/kq) dozada vena daxilinə damcı üsulu ilə 10–12 gün ərzində, sonra 20 gün ərzində gündə 2–3 dəfə əzələdaxili inyeksiya (2–10 ml).
Kardiologiyada: gündə 1–3 dəfə 120–180 ml (600–900 mq) preparat 5–15 gün ərzində vena daxilinə, sonra 10–30 gün ərzində gündə 2–3 dəfə əzələdaxili inyeksiya (2–10 ml).