Hepa-Merz 3000 mq N30 paket

HEPA-MERZ, daxilə qəbul olunan məhlul hazırlamaq üçün qranullar

Hepa-Merz tərkibi

 Təsiredici maddə:  5 q (1 paket) qranulun tərkibində 3 q L-ornitin-L-aspartat vardır  Köməkçi maddələr: susuz limon turşusu, limon aromatizatoru, portağal aromatizatoru,  natrium saxarin, natrium siklamat, sarı sanset FCF (E110), povidon   25, fruktoza.

İstifadəsinə göstərişlər:

 Qaraciyərin kəskin və xroniki xəstəlikləri. Qaraciyər ensefalopatiyası.

Əks göstərişlər:

 L-ornitin-L-aspartata və ya preparatın komponentlərindən hər hansı birinə qarşı yüksək fərdi həssaslıq. Kreatinin göstəricisinin 3 mq/100ml olduğu zaman aydın ifadə olunmuş böyrək çatışmazlığı.

Hamiləlik və laktasiya dövründə istifadəsi:

 Hamiləlik və laktasiya dövründə Hepa-Mers daxilə qəbul üçün qranulların istifadəsi tövsiyə olunmur, belə ki, preparatın dölə təsiri barədə kifayət qədər məlumat yoxdur. Laktasiya dövründə preparatın istifadəsindən qaçmaq lazımdır, belə ki, preparatın təsiredici maddəsinin ana südünə nüfuz edib-etməməsi məlum deyildir. Əgər preparatla müalicə üçün zərurət yaranarsa, o zaman müalicə ciddi həkim nəzarəti altında aparılmalıdır.

Hepa-Merz istifadə qaydası, dozası

 Gündə 2-3 dəfə yeməkdən sonra 1-2 paketin möhtəviyyatı 200 ml mayedə həll edilərək daxilə qəbul edilir. Maye kimi sudan, çaydan və şirələrdən istifadə etmək olar.