Nitrogliserin 0, 5MG N40 Tb

NİTROQLİSERİN, sublinqval tabletlər

NİTROQLİSERİN tərkibi

Təsiredici maddə: 1 tabletin tərkibində 0,5 mq nitroqliserinə nəzərən laktoza üzərində 2% nitroqliserin vardır.

İstifadəsinə göstərişlər

Stenokardiya (stenokardiya tutmalarını aradan qaldırmaq və qısamüddətli profilaktika üçün).

Əks göstərişlər

Nitratlara qarşı yüksək həssaslıq, şok, kollaps, arterial hipotenziya (sistolik AT 100 mm c. süt.- dan aşağı, diastolik AT 60 mm c. süt.-dan aşağı), sol mədəciyin aşağı dolma təzyiqi ilə kəskin miokard infarktı, hipertrofik obstruktiv kardiomiopatiya, yüksək kəllədaxili təzyiq (o cümlədən, hemorragik insult zamanı, başın yaxınlarda keçirilmiş travması), yüksək gözdaxili təzyiqlə bağlıbucaqlı qlaukoma, eyni zamanda sildenafillə və fosfodiesterazanın digər inhibitorları ilə istifadə, bradikardiya (50 zərbə/dəq-dən aşağı), serebral işemiya, ürəyin tamponadası, hamiləlik.

Hamiləlik və laktasiya dövründə istifadəsi

Nitroqliserinin hamiləlik və laktasiya dövründə istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Nəqliyyat vasitələrini və yüksək diqqət tələb edən mexanizmləri idarə edərkən nəzərə almaq lazımdır ki, nitroqliserinin qəbulu reaksiya sürətinin azalmasına səbəb ola bilər.

NİTROQLİSERİN istifadə qaydası və dozası

Böyüklərdə istifadə olunur. Preparatı ilk dəfə təyin edərkən, onun arterial təzyiqə təsirini öyrənmək lazımdır. Nitroqliserinin istifadəsinin effektivliyinə nəzarəti ürək yığılmalarının tezliyinə və arterial təzyiqin səviyyəsinə əsasən həyata keçirmək lazımdır. Stenokardiya tutmasının ilk simptomları meydana çıxan kimi, dərhal istifadə etmək lazımdır.

Ağrı baş verdiyi zaman dərhal bir tablet dil altına qoymaq və udmadan, tam sorulana qədər dilin altında saxlamaq lazımdır. Preparatın adi dozası – 1 tablet dil altına. 3-5 dəqiqədən sonra antianginal təsir olmazsa, daha bir Nitroqliserin tableti istifadə etmək lazımdır. 2-3 tabletin qəbulundan sonra müalicəvi effekt olmazsa, həkim çağırmaq lazımdır.

Stenokardiya tutmaları tez-tez baş verərsə, uzunmüddətli təsirə malik preparatlar qəbul etmək lazımdır.