Riboksin 200 mq N50 tablet

RİBOKSİN, 200 mq örtüklü tabletlər

RİBOKSİN tərkibi

RİBOKSİN tərkibi, 1 tabletin tərkibində 200 mq inozin (riboksin) vardır.

Əks göstərişlər

• Podaqra; • böyrək çatışmazlığı; • inozin və ya preparatın digər komponentlərinə qarşı hiperhəssaslıq; • II–III dərəcəli bradiaritmiyalar; • sinus düyününün zəifliyi sindromu; • WPW-sindromu (Volf-Parkinson-Uayt sindromu), Morqan-Adams-Stoks simptomu; • 18 yaşa qədər olan dövr.

Hamiləlik və laktasiya dövründə istifadəsi

Əgər siz hamiləsinizsə və ya südəmər uşağınız varsa, yaxud hamilə olduğunuzu və ya hamiləlik başlandığını güman edirsinizsə, bu barədə müalicə həkiminizə məlumat verin. Hamiləlik və laktasiya dövründə preparatın qəbulu haqqında kifayət qədər məlumat olmadığı üçün risk/fayda nisbətini nəzərə alaraq təyin etmək lazımdır.

İstifadə qaydası və dozası

Daxilə qəbul edilir. Sutkalıq doza 600–2400 mq təşkil edir. Müalicənin ilk günlərində sutkalıq doza 600–800 mq (200 mq-dan gündə 3–4 dəfə) olur. Preparat orqanizm tərəfindən yaxşı qəbul edilərsə, sutkalıq dozanı (2–3 günlük) 1200 mq-a, zəruri hallarda isə sutkada 2400 mq-a qədər qaldırırlar. Müalicə kursu 4 həftədən 1,5–3 aya qədərdir. Urokoproporfiriya zamanı sutkalıq doza 800 mq (sutkada 4 dəfə 1 tablet) təşkil edir, müalicə kursunun müddəti 1–3 aydır. Dərmanı qəbul etmək yaddan çıxarsa, növbəti qəbul vaxtı çatmamış tableti tez qəbul edin. Növbəti qəbul vaxtı çatıbsa, ötürülmüş dozanı qəbul etməyin. Ötürülmüş dozanı tamamlamaq üçün ikiqat doza qəbul etmək olmaz. Daha sonra preparat göstərilən dozada qəbul edilməlidir.