Sekrazol 30 Mq 150 ml Sirop

SEKRAZOL, 30 mq/5 ml böyüklər üçün şərbət

Sekrazol tərkibi

 Təsiredici maddə:    5 ml şərbətin tərkibində 30 mq ambroksol hidroxlorid vardır. Köməkçi maddələr: 70 %-li sorbitol, metilparaben, propilparaben, sodium sitrat, limon turşusu  monohidrat, moruq aromatizatoru, təmizlənmiş su.

İstifadəsinə göstərişlər:

 Tənəffüs yollarının qatı bəlğəm ifrazı ilə müşayiət olunan kəskin və xroniki xəstəlikləri. Qatı seliklə müşahidə olunan kəskin və xroniki respirator xəstəliklər zamanı: kəskin, xroniki bronxit (astma formalı), silikoz, bronxial astma, bronxoektaziya, laringit, sinusit.

Əks göstərişlər:

 Bromheksinə və onun metaboliti olan ambroksola və ya köməkçi maddələrdən hər hansı birinə qarşı yüksək həssaslıq.

Hamiləlik və laktasiya dövründə istifadəsi:

 Ambroksolun hamilə qadınlarda istifadəsi ilə bağlı kifayət qədər məlumatlar yoxdur. Sekrazol® şərbəti yalnız, ətraflı fayda/risk dəyərləndirməsindən sonra hamilələrdə istifadə edilə bilər, xüsusilə də hamiləliyin ilk trimestrdə. Heyvanlar üzərində aparılmış tədqiqatlar zamanı ambroksolun ana südünə keçdiyi müşahidə edilmişdir. İnsanlar üzərində müvafiq tədqiqatlar aparılmadığından Sekrazol® şərbəti yalnız, ətraflı fayda/risk dəyərləndirməsindən sonra laktasiya dövründə istifadə edilə bilər. Lakin istifadəsi tövsiyə edilmir. Nəsilartırma qabiliyyətinə təsiri Heyvanlar üzərində aparılmış tədqiqatlar zamanı ambroksol teratogen effekt göstərməmişdir.

Sekrazol istifadə qaydası, dozası

 Daxilə qəbul üçündür. Böyüklərə: müalicənin ilk 2-3 günündə 3 dəfə 5 ml-lik ölçü qaşığı ilə 1 ölçü qaşığı (5 ml=30 mq ambroksol HCl), daha sonra isə gündə 2 dəfə 5 ml ölçü qaşığı ilə 1 ölçü qaşığı (5 ml=30 mq ambroksol) davam etdirilir. Həkimlə məsləhətləşmədən preparatı 4-5 gündən artıq istifadə etmək olmaz. Xüsusi əhali qrupu Böyrək/qaraciyər çatışmazlığı Qaraciyər və böyrək çatışmazlığı olan xəstələrə ambroksol təyin edərkən ehtiyatlı olmaq lazımdır. Yaşlılar Yaşlılara təyin edərkən doza uyğunlaşdırması tələb olunmur.