TALLITON 12,5MG N28 TB

Talliton, 6,25 mq, 12,5 mq, 25 mq tabletlər

Talliton tərkibi

Talliton tərkibi, 1 tabletin tərkibində müvafiq olaraq 6,25 mq, 12,5 mq və ya 25 mq karvedilol vardır. Köməkçi maddələr: laktoza monohidrat, krospovidon, saxaroza, susuz kolloidal silisium dioksid, povidon K-25, maqnezium stearat. Boya maddələri: xinolin sarısı C.I. 47005 (6,25 mq), sarı sanset C.I. 15985 (12,5 mq).

Talliton, istifadəsinə göstərişlər

Talliton tabletləri aşağıdakı xəstəliklərin uzun müddətli müalicəsində istifadə edilir:
• yüksək arterial təzyiq;
• xroniki stabil stenokardiya;
• xroniki stabil ürək çatışmazlığının əlavə müalicəsi.

Əks göstərişlər

Aşağıda göstərilən hallarda Talliton preparatını istifadə etmək olmaz:
• karvedilola və ya köməkçi maddələrdən hər hansı birinə qarşı allergiya;
• dekompensasiya olunmuş ürək çatışmazlığı;
• astma və ya təngnəfəslik;
• ağır qaraciyər pozğunluğu;
• ürək blokadası, sinus düyününün zəiflik sindromu;
• kardiogen şok, bradikardiya (≤50 vurğu/dəq);
• ağır arterial hipotenziya (sistolik təzyiq <85 mmHg);
• feokromositoma;
• metabolik asidoz;
• periferik qan dövranının ağır pozuntuları;
• vena daxilinə verapamil və ya diltiazem istifadəsi;
• 18 yaşdan aşağı uşaqlar və ürək funksiyalarının ağır pozuntusu hallarında.

Hamiləlik və laktasiya dövründə istifadəsi

Pasiyent hamilə olduqda, süd verir, hamiləliyini planlaşdırır və ya ehtimal edirsə, həkimə məlumat verməlidir. Hamiləlikdə ana üçün fayda riskdən üstün deyilsə, istifadə olunmamalıdır. Laktasiya zamanı istifadə tövsiyə edilmir.

Talliton, istifadə qaydası

Həmişə həkim təyinatına uyğun istifadə edilməlidir. Qida ilə və ya qidasız daxilə qəbul olunur.
Hipertoniya: Gündə 1 dəfə 12,5 mq ilə başlanır, 25 mq-a və ya maksimum 50 mq-a qədər artırıla bilər.
Stenokardiya: Gündə 2 dəfə 12,5 mq ilə başlanır, 2 dəfə 25 mq-a qədər artırılır, maksimum 2x50 mq.
Xroniki ürək çatışmazlığı: Gündə 2 dəfə 3,125 mq ilə başlanır, 2 həftə intervalla 6,25 → 12,5 → 25 → 50 mq-a qədər artırılır.
Xüsusi pasiyent qrupları üçün dozalanma fərqlənə bilər. Tabletlər çeynənmədən, su ilə qəbul olunmalıdır. İstifadənin qəfil dayandırılması tövsiyə edilmir. Əlavə məlumat üçün həkim və ya əczaçı ilə əlaqə saxlanılmalıdır.