Validol 60 Mq N10 Tablet

Validol-Darnitsa, 60 mq tabletlər

Validol-Darnitsa, beynəlxalq patentləşdirilməmiş adı: Menthol + Isovalerianic acid methyl ester

Validol-Darnitsa tərkibi

Təsiredici maddə: 1 tabletin tərkibində 60 mq izovalerian turşusunun mentil efirində mentol məhlulu vardır.

İstifadəsinə göstərişlər

− Yüngül dərəcəli stenokardiya tutmaları
− Dəniz və hava xəstəliyi
− İsteriya
− Nevroz
− Nitratların qəbulu ilə əlaqədar başağrısı

Əks göstərişlər

− Preparatın istənilən komponentinə qarşı yüksək həssaslıq
− Arterial hipotenziya
− Kəskin miokard infarktı

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi yalnız ana üçün gözlənilən fayda dölə olan potensial riskdən üstün olduqda mümkündür.

Pediatriyada istifadəsi

Pediatriyada preparatın istifadə təcrübəsi yoxdur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparatın qəbulunun ilk saatlarında nəqliyyat vasitəsini və digər potensial təhlükəli mexanizmləri idarə edərkən ehtiyatlı olmaq lazımdır. İstifadə zamanı başgicəllənmə, yuxululuq və psixomotor funksiyaların azalması mümkündür.

Validol-Darnitsa istifadə qaydası

Tablet tam sorulanadək ağızda (dilaltı) saxlanılır. Böyüklər üçün birdəfəlik doza 1–2 tablet, sutkalıq doza 2–4 tabletdir. Ehtiyac olduqda, sutkalıq dozanı artırmaq olar. Maksimal sutkalıq doza 600 mq təşkil edir. Müalicə müddəti 7 gündür.