Aloe Ekstraktı 2, 25 Mq 1 ml N10 Ampul (Ukraniya)

Duru Aloe Ekstraktı-Darnitsa, inyeksiya üçün duru ekstrakt

Duru Aloe Ekstraktı-Darnitsa, beynəlxalq patentləşdirilməmiş adı: Aloe extract

Duru Aloe Ekstraktı-Darnitsa tərkibi

Təsiredici maddə: 1 ml ekstraktın tərkibində 2,25 mq quru aloe ekstraktı (aloes extractum siccum) vardır.

İstifadəsinə göstərişlər

İnkişaf edən yaxıngörmə, miopik xorioretinit, blefarit, konyunktivit, keratit, irit, şüşəvarı cismin bulanması, eləcə də mədə və onikibarmaq bağırsağın xora xəstəliyi (kompleks müalicənin tərkibində).

Əks göstərişlər

Preparatın istənilən komponentinə qarşı yüksək həssaslıq; ağır ürək-damar xəstəlikləri; arterial hipertenziya; kəskin mədə-bağırsaq pozğunluqları (diareya daxil olmaqla), bağırsaq keçməzliyi, Kron xəstəliyi, xoralı kolit, appendisit, qarın ağrısı, babasil; qaraciyər və böyrək funksiyalarının pozğunluğu; nefrozo-nefritin ağır formaları; diffuz qlomerulonefrit; sistit; metrorragiya; qanhayxırma; xolelitiaz.

Hamiləlik və laktasiya dövründə istifadəsi

Hamiləlik və laktasiya dövründə istifadə etmək olmaz, çünki preparatın biogen stimullaşdırıcı kimi təsir mexanizmi kifayət qədər tədqiq edilməmişdir.

Pediatriyada istifadəsi

3 yaşdan yuxarı uşaqlarda istifadə edilir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Tədqiq edilməmişdir.

Duru Aloe Ekstraktı-Darnitsa istifadə qaydası

Çöküntü olduqda, ampulu açmazdan əvvəl çalxalayaraq homogen suspenziya alınmalıdır. Dəri altına yeridilir.
Böyüklər: 1 ml (maksimum 3–4 ml/gün)
3–5 yaşlı uşaqlar: 0,2–0,3 ml
5 yaşdan yuxarı uşaqlar: 0,5 ml
Müalicə kursu: 30–50 inyeksiya. 2–3 ay fasilə ilə təkrar kurslar aparıla bilər.