Anaferon 3 mq N20 tablet

ANAFERON,homeopatik sorma tabletlər

ANAFERON tərkibi

ANAFERON tərkibi, 1 tabletin tərkibində 0,003 q insanın qamma interferonuna qarşı affin təmizlənmiş anticisimlər vardır

Anaferon,istifadəsinə göstərişlər

Kəskin respirator virus infeksiyalarının (o cümlədən, qripin) profilaktikası və müalicəsi. Herpes-virusların törətdiyi infeksiyaların (infeksion mononukleoz, suçiçəyi, labial herpes, genital herpes) kompleks terapiyası. Xroniki herpes virus infeksiyasının residivlərinin kompleks terapiyası və profilaktikası. Gənə ensefaliti virusunun, enterovirusun, rotavirusun, koronavirusun, kalisivirusun törətdiyi kəskin və xroniki virus infeksiyalarının kompleks terapiyası və profilaktikası. Bakterial infeksiyaların kompleks terapiyasının tərkibində və immunçatışmazlıq vəziyyətlərində istifadə olunur.

Əks göstərişlər

Preparatın komponentlərinə qarşı fərdi yüksək həssaslıq. Uşaqlara və 18 yaşdan aşağı şəxslərə “Uşaqlar üçün Anaferon” preparatı göstərişdir.

Hamiləlik və laktasiya dövründə istifadəsi

Hamiləlik və laktasiya dövründə istifadənin təhlükəsizliyi öyrənilməyib. Qəbuluna ehtiyac olduqda risk/fayda nisbəti nəzərə alınmalıdır.

İstifadə qaydası və dozası

Daxilə qəbul edilir (qida qəbulu zamanı yox). Tablet ağızda tam həll olana qədər saxlanmalıdır. KRVİ və herpes infeksiyalarında: 1-ci gün 8 tablet (ilk 2 saatda hər 30 dəqiqədə 1 tablet, sonra 3 dəfə), 2-ci gündən sağalanadək gündə 3 dəfə 1 tablet. Profilaktikada: 1-3 ay müddətində gündə 1 tablet. Genital herpesin kəskin fazasında: 1–3 gün gündə 8 tablet, sonra 3 həftə gündə 4 tablet. Xroniki residivlərdə: gündə 1 tablet, kurs fərdi olaraq 6 aya qədər. İmmunçatışmazlıq və bakterial infeksiyalarda: gündə 1 tablet. Digər virusəleyhinə vasitələrlə birgə istifadə oluna bilər.