Parasetamol 500 Mq N20 Tb

PARASETAMOL SOFARMA, tabletlər

PARASETAMOL SOFARMA tərkibi

PARASETAMOL SOFARMA tərkibi, 1 tabletin tərkibində 500 mq parasetamol vardır

Parasetomol Sofarma, istifadəsinə göstərişlər

Zəif və orta dərəcəli baş ağrılarında, miqren, diş ağrısında, revmatik və əzələ ağrılarında, menstrual ağrıların müalicəsində, boğaz ağrısı, həmçinin soyuqdəymə ağrılarında, yüksək hərarət zamanı müşahidə olunan əzginliyin müalicəsində istifadə olunur. Əgər simptomlarınız ağırlaşırsa və ya 3 gün ərzində simptomlarınızda müsbət dinamika müşahidə olunmursa, həkiminizə müraciət edin.

Əks göstərişlər

Parasetamol Sofarma preparatının təsiredici maddəsinə və ya köməkçi maddələrindən istənilən birinə qarşı allergiya (hiperhəssaslıq); ağır qaraciyər xəstəlikləri.

Hamiləlik və laktasiya dövründə istifadəsi

Parasetamol Sofarma preparatını hamiləlik dövründə istifadə etmək olar. Minimal doza istifadə olunmalıdır. Laktasiya dövründə terapevtik doza və müalicə kursunun müddətinə əməl olunduğu hallarda istifadəsi mümkündür.

İstifadə qaydası və dozası

Tabletlər daxilə qəbul edilir. Böyüklər və 12 yaşdan yuxarı uşaqlar: gündə 3–4 dəfə, 1–2 tablet. Maksimal sutkalıq doza 8 tabletdir. 12 yaşdan yuxarı uşaqlar gündə 6 tabletdən artıq qəbul etməməlidir. 6–12 yaş: gündə 3–4 dəfə, ½–1 tablet. 24 saat ərzində 4 tabletdən artıq qəbul etmək olmaz. 6 yaşa qədər uşaqlar üçün bu dərman forması uyğun deyil. 2 qəbul arasında 4–6 saatlıq fasilə saxlanılmalıdır. Müalicə həkim məsləhəti olmadan 3 gündən artıq davam etməməlidir.