Arbidol 200 Mg N10 Cap

Arbidol Maximum, 200 mq kapsullar

Arbidol Maximum, beynəlxalq patentləşdirilməmiş adı: Umifenovir

Arbidol Maximum tərkibi

Təsiredici maddə: 1 kapsulda 207 mq umifenovir hidroxlorid monohidrat (200 mq umifenovir hidroxloridə müvafiq) vardır.

İstifadəsinə göstərişlər

Böyüklərdə və 12 yaşdan böyük uşaqlarda:
– A və B virus qripi, digər KRVİ
– residivləşən herpes infeksiyasının kompleks müalicəsi
– əməliyyatsonrası infeksion ağırlaşmaların profilaktikası
– rotavirus mənşəli kəskin bağırsaq infeksiyalarının kompleks müalicəsi

Əks göstərişlər

Umifenovirə və ya tərkib hissələrinə qarşı yüksək həssaslıq; 12 yaşa qədər uşaqlar; hamiləliyin birinci trimestri; laktasiya dövrü.

Hamiləlik və laktasiya dövründə istifadəsi

Birinci trimestrdə istifadəsi əks göstərişdir. İkinci və üçüncü trimestrdə yalnız fayda/risk dəyərləndirilməsindən sonra istifadə olunur. Laktasiya dövründə istifadəsi zamanı südvermə dayandırılmalıdır.

Pediatriyada istifadəsi

12 yaşdan aşağı uşaqlarda istifadə olunmur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Mərkəzi neyrotrop təsir göstərmir, diqqət və hərəkət koordinasiyasına təsirsizdir. Sürücülük və digər diqqət tələb edən işlər zamanı istifadə oluna bilər.

Arbidol Maximum istifadə qaydası

Preparat daxilə, yeməkdən əvvəl qəbul edilir. Böyüklər və 12 yaşdan yuxarı uşaqlar üçün doza: 200 mq (1 kapsul).
– Profilaktika məqsədi ilə (qrip və KRVİ): həftədə 2 dəfə, 3 həftə ərzində
– Profilaktika (xəstə ilə təmasdan sonra): gündə 1 dəfə, 10–14 gün ərzində
– Müalicə məqsədi ilə (qrip və KRVİ): gündə 4 dəfə (hər 6 saatdan bir), 5 gün ərzində
– Residivləşən herpes infeksiyası: gündə 4 dəfə, 5 gün, sonra həftədə 2 dəfə, 4 həftə
– Əməliyyatsonrası infeksiyaların profilaktikası: əməliyyatdan 2 gün əvvəl və əməliyyatdan sonrakı 2-ci və 5-ci gün
– Rotavirus infeksiyası: gündə 4 dəfə, 5 gün
Müalicəyə simptomlar başlayandan 3 gündən gec olmamaq şərti ilə başlanmalıdır.