Berodual-N 20/50 mkq 10 ml sprey

BERODUAL®N, inhalyasiya üçün aerosol

Berodual N tərkibi

  Təsiredici maddə:   1 dozanın (1 püskürtmə) tərkibində 21mkq ipratropium bromid monohidrat (20 mkq ipratropium bromidə müvafiqdir), 50 mkq fenoterol hidrobromid vardır. Köməkçi maddələr: susuz limon turşusu, distillə suyu, etanol, azot (təsirsiz qaz). Propellent: 1,1,1,2-Tetraftoroetan (HFA 134a).

İstifadəsinə göstərişlər:

  BERODUAL®N bir bronxodilatator olub, geri dönən məhdud hava cərəyanlı bronxial astma və emfizema ilə müşayiət olunan və yaxud onsuz gedən xroniki bronxit kimi ağciyərin xroniki obstruktiv xəstəlikləri (AXOX) simptomlarının profilaktikası və müalicəsində istifadə olunur.  Bronxial astma və steroid terapiyaya cavab reaksiyası verən ağciyərin xronik obstruktiv xəstəlikləri olanlarda yanaşı olaraq iltihabəleyhinə terapiya da nəzərdə tutulmalıdır. 

Əks göstərişlər:

 BERODUAL®N preparatının Fenoterol hidrobromid və yaxud atropinə bənzər maddələrə qarşı, eləcə də, məhsulun hər hansı bir inqrediyentinə qarşı yüksək həssaslığı olan xəstələrdə istifadəsi əks göstərişdir. BERODUAL®N preparatının, eləcə də, hipertrofik obstruktiv kardiomiopatiyası və taxiaritmiyası olan xəstələrdə istifadəsi əks göstərişdir. 

Hamiləlik və laktasiya dövründə istifadəsi:

 Preklinik məlumtlar, Fenoterol və yaxud Ipratropium preparatlarının hamiləlik müddətində əlavə təsirlərə səbəb olmamasını göstərdi. Bununla belə, dərmanların hamiləlik zamanı istifadəsi ilə əlaqəli adəti ehtiyat tədbirləri, xüsusilə də, birinci trimestrdə gözlənilməlidir.   Fenoterolun uşaqlığın yığılmasına tormozlayıcı təsiri nəzərdə saxlanmalıdır.    Qeyri-klinik tədqiqatlar göstərdi ki, Fenoterol hidrobromid ana südü ilə ekskresiya olunur. Ipratropiumun insanlarda ana südü ilə ekskresiya olunub-olunmaması məlum deyil. Amma inhalyasiya nəticəsində Ipratropiumun körpəyə çox həcmdə keçməsi arzuolunan deyil. Beləliklə, BERODUAL®N preparatını körpəsini əmizdirən analarda ehtiyatla istifadə etmək lazımdır.  Nəsil artımına təsiri Nəsil artımına təsiri ilə bağlı nə İpratropium bromid və nə də Fenoterol hidrobromidin  təsiri haqda bu preparatların kombinasiyası və ya ayrı-ayrılıqda klinik məlumatlar yoxdur.   İpratropium bromid və Fenoterol hidrobromidin fərdi komponentləri ilə aparılmış qeyri-klinik tədqiqatlar əlavə təsirlərin olmamasını göstərdi (“Toksikologiyası” bölməsinə baxın). 

Berodual N istifadə qaydası, dozası

 BERODUAL® N inhalyasiya üçün aerosol. Dozalar tələbata müvafiq olaraq fərdi qaydada tənzimlənməlidir. Böyüklər və >6 yaşda uşaqlara aşağıdakı dozalar məsləhət görülür. Kəskin astma halları Bir çox hallarda simptomların tez yüngülləşdirilməsi üçün 1 püskürtmə kifayət edir. Bir çox kəskin hallarda, əgər tənəffüs 5 dəqiqədən sonra nəzərəçarpan dərəcədə yaxşılaşma müşahidə olunmazsa, bir əlavə püskürtmə də etmək olar.  Əgər 2 püskürtmədən sonra  hələ də yüngülləşmə müşahidə olunmursa, əlavə püskürtmələrə ehtiyac ola bilər.  Belə hallarda xəstəyə məsləhət görülməlidir ki, həkimlə məsləhətləşsin, yaxud dərhal yaxınlıqdakı xəstəxanaya müraciət etsin.   Fasilələrlə və uzunmüddətli müalicəyə (astma halında BERODUAL® N inhalyasiya üçün aerozol) ehtiyac varsa, istifadə olunmalıdır.   Gündə hər dəfə 1 püskürtmə olmaqla maksimum 4 püskürtmə. Ümumi gündəlik doza 6 püskürtmədən çox olmamalıdır.  Uşaqlarda BERODUAL® N inhalyasiya üçün aerozol ancaq tibbi məsləhətə görə və böyüklərin nəzarəti altında həyata keçirilməlidir.