Dentinoks H 10 qr gel

DENTİNOKS Gel, uşaqlarda dişlərin çıxması zamanı ağız boşluğunda istifadə üçün gel. 

Dentinoks Gel tərkibi

 Təsiredici maddələr: 10 q gelin tərkibində 1500 mq çobanyastığı çiçəklərinin tinkturası, 34 mq  lidokain hidroxlorid  monohidrat, 32 mq polidokanol 600 vardır.  Köməkçi maddələr:    sorbitol, ksilitol, propilenqlikol, karbomer (974 P), natrium hidroksidin  10%-li məhlulu, polisorbat 20, natrium edetat, natrium saxarin, levomentol,  təmizlənmiş su.  Preparatın tərkibində şəkər, konservant yoxdur. 

İstifadəsinə göstərişlər:

 Dentinoks-gel N aşağıdakı hallarda ağız boşluğunda istifadə olunur: Ənənəvi olaraq ilk dişlərin çıxması zamanı yüngül təsiredici dərman vasitəsi kimi, ağrıların qısamüddətli yüngülləşdirilməsi üçün istifadə olunur. 

Əks göstərişlər:

 Aşağıdakı hallarda Dentinoks-gel N preparatını istifadə etmək olmaz: çobanyastığı çiçəklərinə, digər mürəkkəbçiçəklilərə, lidokain h/x-ə və ya oxşar yerli ağrıkəsici vasitələrə və ya dərman vasitəsinin digər təsiredici maddələrinə və ya digər komponentlərinə qarşı yüksək həssaslıq, həmçinin fruktozaya qarşı dözümsüzlük (fruktozaya qarşı anadangəlmə dözümsüzlük). 

Hamiləlik və laktasiya dövründə istifadəsi:

 Bu dərman vasitəsi müstəsna olaraq uşaqlarda dişlərin ilk çıxışı zamanı ağrını yüngülləşdirmək məqsədi ilə istifadə olunduğu üçün, onun hamiləlik və laktasiya dövründə istifadəsinə dair məlumat yoxdur. 

Dentinoks Gel istifadə qaydası, dozası

 Dentinoks-gel N preparatını həmişə dəqiq olaraq içlik-vərəqədəki göstərişlərə müvafiq olaraq istifadə edin. Əgər nəyəsə əmin deyilsinizsə, həkimlə dəqiqləşdirin.  Əgər digər təyinat yoxdursa, dişlərin çıxması zamanı baş verən ağrılarda istifadə olunur.  Dentinoks-gel N preparatından 1 damcını (noxud böyüklükdə)  təmiz barmaqla və ya təmiz pambıq çubuqla dişin çıxdığı yerdə diş ətinin iltihablaşmış yerinə yaxın və yüngülcə sürtün. Proseduru gündə 23 dəfə, xüsusilə yeməkdən sonra və yatmazdan qabaq təkrar edin. Lazım gələrsə, preparatı süd dişlərinin bütün çıxma dövründə, sonra isə köklü dişlərin çıxması dövründə istifadə etmək olar.  Gelin gözə düşməsinə yol verməyin! Əgər Siz lazım olduğundan artıq miqdarda Dentinoks-gel N preparatı yaxmısınızsa, əlavə təsirlər daha böyük intensivliklə meydana çıxa bilər (bax: «Əlavə təsirləri»). Əgər bu baş verərsə, Dentinoks-gel N preparatının istifadəsini dayandırın və həkimə müraciət edin.  Əgər Dentinoks-gel N preparatından istifadə etməyi unutmusunuzsa Əgər Siz onun bir dəfə istifadəsini buraxmısınızsa, geli ikiqat dozada istifadə etməyin. Dərman preparatının istifadəsinə dair əlavə suallarınız yaranarsa, həkimlə məsləhətləşin.   Dentinoks-gel N preparatının qida məhsulları və içkilərlə birlikdə istifadəsi  Hər hansı xüsusi göstərişlərə ehtiyac yoxdur.