Dramina 50 Mq Tablet

Dramina, tabletlər

Dramina tərkibi

Təsiredici maddə:    1 tabletin tərkibində  50 mq  dimenhidrinat  vardır.  

Əks göstərişlər  

Preparatın komponentlərinə qarşı yüksək həssaslıq, epilepsiya, bronxial astma, kəskin ekssudativ və 
vezikulyar dermatozlar, 3 yaşa qədər uşaqlar, hamiləlik və laktasiya dövrü.

Hamiləlik və laktasiya dövründə istifadəsi 

Hamiləliyin I trimestrində preparatın istifadəsi əks göstərişdir.  
Hamiləliyin II və III trimestrlərində xüsusi ehtiyatla – ana üçün gözlənilən faydanın döl üçün 
potensial riskdən üstün olduğu halda istifadə edilə bilər. 
Müalicə dövründə ana südü ilə qidalandırmanı dayandırmaq lazımdır.

İstifadə qaydası və dozası 

Yeməkdən əvvəl daxilə qəbul edilir: 
− hərəkət xəstəliyi (dəniz xəstəliyi, nəqliyyat xəstəliyi, təyyarə xəstəliyi):  
3-6 yaş arası uşaqlar – gündə 2-3 dəfə ¼-½  tablet;  7-12 yaş arası uşaqlar – gündə 2-3 dəfə ½-1 
tablet; 12 yaşdan yuxarı uşaqlar və böyüklər – 1-2 tablet gündə 2-3 dəfə; 
− şiş əleyhinə terapiya zamanı yaranan əlamətləri istisna etməklə, vestibulyar və labirint pozğunluq 
əlamətlərinin müalicə və profilaktikası (başgicəllənmə, ürəkbulanma, qusma):  
3-6 yaş arası uşaqlar – gündə 2-3 dəfə ¼-½ tablet; 7-12 yaş arası uşaqlar – gündə 2-3 dəfə ½-1 
tablet; 12 yaşdan yuxarı uşaqlar və böyüklər – gündə 2-3 dəfə 1-2 tablet; 
− Menyer xəstəliyi:  
3-12 yaş arası uşaqlar – gündə 2-3 dəfə ½-1 tablet; 12 yaşdan yuxarı uşaqlar və böyüklər – gündə 
2-3 dəfə 1-2 tablet. 
Böyüklər üçün maksimal sutkalıq doza 7 tabletdən çox olmamalıdır. Kinetozların profilaktikası üçün nəzərdə tutulan səyahətdən 30 dəqiqə əvvəl 1-2 tablet qəbul etmək lazımdır. 
Preparatdan istifadənin davam etmə müddətini və təkrar müalicə kursları həkimlə razılaşdırmaq 
lazımdır.