Enterol 250 mg N10 paket

ENTEROL 250, oral suspenziya hazırlamaq üçün toz

ENTEROL 250 tərkibi

ENTEROL 250 tərkibi, 1 paketdə 250 mq Saccharomyces boulardii CNCM I-745 (liofilozə olunmuş hüceyrələr) vardır.

Enterol 250, istifadəsinə göstərişlər

Uşaqlarda və böyüklərdə kəskin infeksion diareya. Antibiotiklərdən asılı diareyanın müalicəsi və profilaktikası. Clostridium difficile-nin törətdiyi xəstəliklərin residivləşməsinin qarşısını almaq məqsədi ilə vankomisin/metronidazol müalicəsinə əlavə olaraq. Bağırsağın disbakteriozu. Qıcıqlanmış bağırsaq sindromu. Uzunmüddətli enteral (zondla) qidalanma nəticəsində yaranan diareya.

Əks göstərişlər

Saccharomyces boulardii CNCM I-745 maya göbələyinə və ya preparatın hər hansı inqredientinə qarşı allergiya. Mərkəzi venoz kateter mövcudluğu. İmmun sistemi zəifləmiş və ya xəstəxanaya yerləşdirilmiş xəstələr. Anadangəlmə qalaktozemiya, qlükoza və qalaktoza malabsorbsiya sindromu, laktaza çatışmazlığı olan xəstələr.

Hamiləlik və laktasiya dövründə istifadəsi

Hamiləlik dövründə istifadəsinə dair kifayət qədər məlumat olmadığından, istifadəsi məsləhət deyil. Laktasiya dövründə isə yalnız fayda/risk nisbətinə əsaslanaraq istifadə olunmalıdır. Əgər hamiləsinizsə və ya uşaq əmizdirirsinizsə, dərmanı qəbul etməzdən əvvəl həkiminizə müraciət edin.

İstifadə qaydası və dozası

Daxilə qəbul olunur. Yeni doğulmuşlarda: gün ərzində 1 paketdən çox olmamaqla. 6 yaşından kiçik uşaqlar: gündə 1 dəfə 1 paket. Böyüklər və 6 yaşdan böyük uşaqlar: gündə 1-2 dəfə 1-2 paket. Kəskin diareya: 3–5 gün. Disbakterioz və digər hallarda: 10–14 gün. Antibiotiklərlə birlikdə: gündə 2 dəfə 2 paket, antibiotikoterapiya boyu. İstifadə zamanı tozu az miqdarda suya və ya kəmşirin içkiyə qarışdırın, isti və ya alkoqollu içki ilə qarışdırmaq olmaz.