Enterol 250 Mq N10 Tablet

ENTEROL 250, kapsullar

ENTEROL 250 tərkibi

ENTEROL 250 tərkibi, 1 kapsulda 250 mq Saccharomyces boulardii CNCM I-745 (liofilozə olunmuş hüceyrələr) vardır.

Enterol 250, istifadəsinə göstərişlər

Uşaqlarda və böyüklərdə kəskin infeksion diareya. Antibiotiklərdən asılı diareyanın müalicəsi və profilaktikası. Clostridium difficile-nin törətdiyi xəstəliklərin residivləşməsinin qarşısını almaq məqsədi ilə vankomisin/metronidazol müalicəsinə əlavə olaraq. Bağırsağın disbakteriozu. Qıcıqlanmış bağırsaq sindromu. Uzunmüddətli enteral qidalanma (zondla) nəticəsində yaranan diareya.

Əks göstərişlər

Saccharomyces boulardii CNCM I-745 maya göbələyinə və ya preparatın hər hansı inqredientinə qarşı allergiya. Mərkəzi venoz kateter mövcudluğu. İmmun sistemi zəifləmiş və ya xəstəxanaya yerləşdirilmiş xəstələr. Anadangəlmə qalaktozemiya, qlükoza və qalaktoza malabsorbsiya sindromu, laktaza çatışmazlığı olan xəstələr.

Hamiləlik və laktasiya dövründə istifadəsi

Hamiləlik dövründə dərmanın istifadəsinə dair kifayət qədər məlumat olmadığından, istifadəsi məsləhət deyil. Laktasiya dövründə isə yalnız fayda/risk nisbətinə əsaslanaraq istifadə olunmalıdır. Əgər hamiləsinizsə və ya uşaq əmizdirirsinizsə, dərmanı qəbul etməzdən əvvəl həkiminizə müraciət edin.

İstifadə qaydası və dozası

Oral yolla qəbul olunur. Böyüklər və 6 yaşdan yuxarı uşaqlar: gündə 1–2 dəfə 1–2 kapsul. 6 yaşından kiçik uşaqlara ENTEROL 250 məhlul üçün tozdan istifadə olunması məsləhət görülür. Kəskin diareya: 3–5 gün. Disbakterioz və digər hallarda: 10–14 gün. Antibiotiklərlə birlikdə: gündə 2 dəfə 2 kapsul, bütün antibiotikoterapiya müddətində. Kapsulu 1 stəkan su ilə qəbul edin. Çox isti, soyuq və ya alkoqollu içkilərlə qəbul etmək olmaz.