Festel Tro N10

Festel tro, 212,5 mq bağırsaqda həll olma örtüklü tabletlər

Festel tro tərkibi

Təsiredici maddə:  1 tabletin tərkibində 212,5 mq pankreatin (lipaza 6000 FİP, amilaza 4500  
FİP, proteaza 300 FİP) vardır. 

Əks göstərişlər 

Təsiredici maddəyə (donuz pankreatini) və ya köməkçi maddələrdən hər hansı birinə qarşı 
hiperhəssaslıq. 

Hamiləlik və laktasiya dövründə istifadəsi 

Hamiləlik 
Mədəalti vəzi fermentlərinin hamilələrə təsiri barədə heç bir klinik məlumat yoxdur. 
Heyvanlar üzərində aparılan tədqiqatlar, donuz mədəaltı vəzi fermentlərinin absorbsiyasını 
göstərməmişdir. Bu səbəbdən heç bir reproduktiv və ya inkişaf toksiklikliyi gözlənilmir. 
Hamiləlik dövründə preparat istifadə olunmamalı, zəruri hallarda hamiləlik və ya laktasiya 
dövründə tələb olunduqda, adekvat qidalanmanı təmin etmək üçün müvafiq dozada istifadə 
olunmalıdır. 

Laktasiya 
Heyvanlar üzərində aparılan tədqiqatlar, mədəaltı vəzi fermentlərinin sistem təsirini 
göstərmədiyi səbəbindən, ana südü ilə qidalanan körpələrə preparatın təsisri gözlənilmir. 
Mədəaltı vəzi fermentləri laktasiya zamanı istifadə edilə bilər. 
Preparat hamiləlik və ya laktasiya dövründə tələb olunduqda, adekvat qidalanmanı təmin etmək 
üçün müvafiq dozada istifadə olunmalıdır.

İstifadə qaydası və dozası 

Doza, pasiyentin ehtiyaclarına və qəbul edilən qidanın miqdarına və növünə görə fərdi olaraq 
tənzimlənməlidir. 
Aşağıda göstərilən əsas doza tənzimlənə bilər. 
Böyüklər, yaşlılar və uşaqlar 
2-5 tablet hər qəlyanaltı və ya yeməkdən əvvəl və ya həkimin göstərişi ilə. 
Preparat peroral istifadə üçün nəzərdə tutulub. 
Preparat çeynənməməli, lazım olduqda az miqdarda maye ilə bütövlüklə udulmalıdır.