Fosfogliv 500/200MG N5 Flk

FOSFOQLİV, venadaxili inyeksiya məhlulu hazırlamaq üçün liofilizat

Fosfoqliv tərkibi

 Təsiredici maddə:   1 falkonda 0,50 q fosfolipidlər (lipoid C 100) (100% maddəyə müvafiq), 0,20 q                                 qlisirrizin turşusunun natrium duzu (natrium qlisirrizinat) vardır. Köməkçi maddələr: maltoza.

İstifadəsinə göstərişlər:

 • Qaraciyərin piy degenerasiyası (hepatoz), qaraciyərin digər zədələnmələri (dərman, alkoqol, toksik), qaraciyərin sirrozu və psoriaz. • Virus hepatitlərinin (kəskin və xroniki) kompleks müalicəsində.

Əks göstərişlər:

 Preparatın komponentlərindən hər hansı birinə qarşı yüksək fərdi həssaslıq, antifosfolipid sindromu, hamiləlik və laktasiya dövrü, 12 yaşa qədər yaş dövrü.

Hamiləlik və laktasiya dövründə istifadəsi:

 Səmərəliliyi və təhlükəsizliyi ilə bağlı məlumatların yetərli olmaması səbəbindən hamiləlik və laktasiya dövründə preparatın istifadəsi əks göstərişdir.

Fosfoqliv istifadə qaydası, dozası

 Böyüklərdə və 12 yaşdan yuxarı uşaqlarda istifadə olunur. Liofilizat əvvəlcədən 10 ml inyeksiya üçün suda həll edilərək vena daxilinə yeridilir. Vena daxilinə yavaş sürətlə yeritmək lazımdır. Preparat 10 gün müddətində gündə 2 dəfə – səhər və axşam 10 ml miqdarında yeridilir, sonra preparatın kapsul formasında daxilə qəbuluna keçilir. Müalicə kursunun müddəti həkimin göstərişi ilə uzadıla bilər.