Out Of Stock
Notify me when its in stockTəsiredici maddə: 1 q məlhəmin tərkibində 65 BV heparin natrium (180 BV/mq heparin natrium aktivliyi üzrə 0,361 mq), 2,233 mq prednizolon asetat, 30 mq lauromakroqol 400 vardır.
Perianal nahiyədə babasilin qısamüddətli simptomatik müalicəsi (qaşınmanı aradan qaldırır, şişkinliyi, iltihabı, ağrıları azaldır).
Preparatın istənilən komponentinə qarşı yüksək həssaslıq; dərinin bakterial, virus, göbələk zədələnmələri; vərəm; sifilis; dəri şişləri (anorektal zonada); qanaxmalara meyllilik; vaksinasiyaya qarşı reaksiyalar; hamiləliyin I trimestri.
Hamiləliyin I trimestrində istifadəsi əks göstərişdir. Hamiləliyin ikinci və üçüncü trimestrlərində və laktasiya dövründə ana üçün gözlənilən faydanın döl və südəmər körpə üçün mümkün riski üstələdiyi halda ehtiyatla istifadə etmək olar.
Preparat nəqliyyat vasitələrini və digər potensial təhlükəli mexanizmləri idarəetmə qabiliyyətinə təsir etmir.
Xaricə istifadə edilir. Məlhəm sutkada 2 dəfə nazik təbəqə qatla zədələnmiş nahiyəyə çəkilir. Müalicənin ilk günü simptomları tez bir zamanda azaltmaq üçün məlhəm 4 dəfəyə qədər istifadə edilə bilər. Məlhəmin yeridilməsi üçün qutuda olan fırlanan ucluqdan istifadə edilir, bu da, düz bağırsaq boşluğuna yeridilir və tubu yüngül basmaqla bir qədər məlhəm çıxarılır.
EN − AZN
